Jýrnalist Aibar Oljaevtyń pikirinshe, jańa Konstitýtsiia qabyldanǵannan keiin Qazaqstanda memlekettik basqarýdyń jańa modeli qalyptasty. Sondyqtan Prezidenttiń ókilettik merzimine qatysty máselelerdi burynǵy Konstitýtsiia normalary aiasynda qarastyrý durys emes, habarlaidy ult.kz.
"Referendýmda halyq jańa Konstitýtsiiany qabyldaǵanda memlekettik basqarýdyń múldem jańa úlgisi qalyptasty
Bul osyǵan deiin júrgizilgen saiasi reformalardyń qisyndy jalǵasy bolatyn.Bul jerde biliktiń ustanymy anyq. Reformalar toqtamaidy. Al memleket institýttarynyń turaqtylyǵy negizgi basymdyq bolyp qala beredi. Osy oraida eskere ketetin másele bar. Bul – kei laýazymdardyń ókilettik merzimine qatysty. Buǵan qatysty kýlýarlarda túrli áńgime aitylyp júrgeni belgili", – dep otyr A. Oljaev.
Sondyqtan da jýrnalist prezidenttiń Konstitýtsiialyq sotqa suraý salýy ishki jáne syrtqy kúshterge berilgen belgi retinde qabyldaýǵa bolatynyn aitady. Iaǵni, elimizdiń strategiialyq baǵytyna múddeli toptar yqpal ete almaidy.
"Eń áýeli, Konstitýtsiia eskeriledi. Osylaisha, ulttyq múdde turǵysynan anyqtalady. Menińshe, bul Aqordanyń tamasha qadamy boldy.
Rasynda, Prezidenttiń ókilettik merzimin eski Konstitýtsiianyń prizmasymen qaraý qisynǵa kelmeidi. Óitkeni Qazaqstan quqyqtyq júieni túbegeili jańartty.Onyń ústine, Prezidenttiń suraý salýy túrli qaýesetke toqtaý bolatyny anyq. Quqyqtyq turǵydaǵy búkil máselege núkte qoiyldy. Árine, bul prezidenttiń avtomatty túrde sailanatynyn bildirmeidi. Kimniń el tizginin ustaitynyn halyq tańdaidy", – deidi ol óz jazbasynda.
