Prezident Qasym-Jomart Toqaev TMD kelisimshartyna kólik urlaýmen kúres týraly túzetýlerdi ratifikatsiialaityn zańǵa qol qoidy, - dep habarlaidy "Ult aqparat" Aqorda saityna silteme jasap.
"Memleket basshysy "2005 jylǵy 25 qarashadaǵy Táýelsiz Memleketter Dostastyǵyna qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaitarýdy qamtamasyz etýdegi yntymaqtastyǵy týraly kelisimge ózgerister engizý týraly hattamany ratifikatsiialaý týraly" Qazaqstan Respýblikasynyń Zańyna qol qoidy", - delingen habarlamada.
Qujattyń basty maqsaty - urlanǵan avtokólik ieleriniń quqyqtaryn qorǵaý jáne ony zańdy ielerine qaitarý máselelerin jedel sheshý mehanizmin anyqtaý.
TMD elderinde avtokólik urlaýmen birlesip kúresý úshin tirkeýden shyǵarylǵan jáne buzylǵan avtomobilder týraly aqparat jazylatyn málimetter bazasy qurylady.
