Foto: pexels.com
Qazaqstanda alǵash ret jeke tulǵalarǵa avtokólik lizingi qoljetimdi bolmaq. Buǵan deiin bul quraldy tek zańdy tulǵalar paidalanyp kelgen. Mundai múmkindik ishki saýdany retteitin qaǵidalarǵa engizilgen ózgeristerdiń nátijesinde iske asady.
Jobany iske qosý týraly sheshim Indýstriia jáne qurylys ministrliginde ótken jiynnyń qorytyndysy boiynsha qabyldandy. Memleket pen úkimettiń bastamasy azamattarǵa jańa qarjylyq quraldardy qoldaný tájiribesin tekserýge jáne áleýetti suranysty baǵalaýǵa baǵyttalǵan.
Bastamany ForteLeasing jáne qazaqstandyq avtokompaniia Allur júzege asyrýda. Jobanyń alǵashqy kezeńinde jeke klientke Kia Soluto avtokóligi rásimdeldi. Aldyn ala sharttar boiynsha jyldyq mólsherleme – 15%, bastapqy jarna – 10%-dan bastalady. Bul parametrler retteýshi model tolyq bekitilgennen keiin ózgerýi múmkin. Mólsherleme qaryz alýshynyń qarjylyq turaqtylyǵy men tólem qabilettiligine bailanysty belgilenedi.
«Bul – naryq úshin mańyzdy kezeń. Ol halyqqa avtokólik alýdyń balamaly quraldaryna qoljetimdilikti keńeitýge múmkindik beredi. Jobanyń bastapqy kezeńi klientterdiń naqty qajettilikterin anyqtaýǵa, rásimdeýdiń yńǵailylyǵyn baǵalaýǵa jáne baǵdarlamany ári qarai engizý úshin praktikalyq usynystar ázirleýge kómektesedi», – dedi ForteLeasing basqarma tóraǵasy Talap Rahmanov.
Kia kompaniiasy da jobanyń mańyzdylyǵyn atap ótti.
«Jeke tulǵalarǵa arnalǵan avtolizing baǵdarlamasyna qatysý – Qazaqstandaǵy brendtiń tanymaldylyǵyn arttyrýǵa baǵyttalǵan mańyzdy qadam. Joba jańa avtokólikterdi turǵyndar úshin qoljetimdi etýge úlken múmkindik beredi», – dedi Kia distribýtsiiasynyń direktory Daniiar Ýrazbaev.
Joba aiasyndaǵy alǵashqy mámile operatsiialyq protsesterdi tekserýge, yqtimal shekteýlerdi anyqtaýǵa jáne tetikti keńeitý boiynsha usynystar ázirleýge múmkindik beredi. Nátijeler taldanǵannan keiin jeke tulǵalarǵa arnalǵan lizingti basqa modelder men brendterge taratý múmkindigi qarastyrylmaq.
