© Sputnik / Konstantin Mihalchevskii
Energetika ministrligi AI-92 benzininiń qymbattaýyna jáne avtogazdyń jetispeýshiligine qatysty shaǵymdar qabyldaityn jedel jelini iske qosty, dep habarlaidy baspasóz qyzmeti.
Vedomstvo benzin men dizel otynyna qoiylǵan baǵalyq moratoriidiń buzylýy, sondai-aq keibir janarmai quiý stantsiialaryndaǵy suiytylǵan munai gazynyń (avtogazdyń) qoljetimdiligi boiynsha azamattardyń ótinishterin tirkep jatyr.
"Benzin men dizel otyny boiynsha: ministrlik barlyq qajetti otyn kólemi óńirlerdiń ótinimderine sáikes jóneltilip, munai bazalarynda saqtalyp turǵanyn atap ótedi. Tapshylyqqa sebep bolatyn obektivti faktorlar joq", - dep jazylǵan habarlamada.
Sonymen qatar suiytylǵan munai gazy boiynsha atqarylǵan jumystar aiasynda óndirýshi zaýyttardyń birinde júrgizilgen josparly jóndeý jumystary ministrlik tarapynan aldyn ala eskerilip, joǵary suranys baiqalatyn óńirler úshin qosymsha kólemder bólindi. Sondyqtan keibir gaz quiý beketterindegi kezekter júieli tapshylyqpen emes, ishki bólý jáne logistika máselelerimen bailanysty, deidi vedomstvodaǵylar.
Eger AI-92 markaly benzin baǵasynyń negizsiz qymbattaýy nemese janarmai quiý stantsiialarynda otynnyń bolmaýy siiaqty jaǵdailar anyqtalsa, +77018550248 jedel jeli nómirine habarlasýǵa bolady.
Qońyraýlar táýlik boiy 24/7 formatynda qabyldanady.
