Júgirýden eki dúrkin álem chempiony, keniialyq Devid Rýdisha iri jol apatynan keiin aman qaldy. Bul týraly 30 jastaǵy sportshy Twitter-akkaýntynda jazdy, dep habarlaidy QazAqparat.
Kenyans.co.ke aqparatyna sáikes, Rýdishidiń avtokóliginiń dońǵalaǵy jarylyp, saldarynan avtobýsqa soǵylǵan. Sportshy aýrýhanaǵa jetkizilgennen keiin denesinen eshqandai jaraqattar tabylmaǵan. Artynan jeńil atletshi aýrýhanadan shyǵaryldy.
«Senbi kúni keshkisin men Kilgoriske úiime bara jatqan jolda Kerokede sumdyq jol apatyna tústim. Avtobýspen betpe-bet soǵylyp, aman qaldym. Jaǵdaiym táýir, tipti jaraqat alǵan joqpyn. Duǵa-tilekterińiz úshin rahmet!», - dep jazdy Rýdisha.
Keniialyq sportshy eki dúrkin olimpiada chempiony (2012 jáne 2016 jyldary) atanǵan, 800 metrge júgirýden 2011 jáne 2015 jyldardaǵy álemdik birinshilikterdiń eki dúrkin jeńimpazy. Ol dál osy qashyqtyqta álemdik rekordty jańartty.
