Almatyda qoǵamdyq kólik júrgizýshileriniń densaýlyǵyn oryndyqtary tekseretin boldy. Bul týraly qalalyq mobildilik basqarmasy basshysynyń orynbasary Qanat Baiqońyrov aitty, dep habarlaidy "Ult aqparat".
«Elimizde avtobýs júrgizýshileriniń densaýlyǵyna bailanysty jol apattary jii beleń alyp keledi. Osyǵan bailanysty Almatyda jaz sońyna deiin júrgizýshilerdiń densaýlyǵyn tekseretin elektrondy júie oilastyrylyp jatyr. Bul qural júrgizýshilerdiń ýaqytsha jumysqa qabiletiniń joqtyǵyn nemese qabiletti ekenin meditsinalyq turǵydan tekseredi», - dedi facebook-taǵy paraqshasynda Qanat Baiǵońyrov.
Arnaiy datchiktermen jabdyqtalǵan oryndyq adamnyń arterialdy qan qysymyn, tamyr soǵysyn, temperatýrasyn anyqtaityn bolady.
Sonymen qatar, alkogoldik jáne esirtki zattaryn qoldanǵanyn kórsetip bere alady.
Bul aqparat arnaiy júiemen óńdelip bolǵan soń, júrgizýshige kólik tizgindeýge ruqsat beriledi.
