QR Úkimetiniń alańynda ótken baspasóz konferentsiiasy barysynda QR indýstriia jáne infraquryldymdyq damý vitse-ministri Berik Kamaliev avtobýs parkin jańartý jáne jańa jolaýshylar vagondaryn paidalanýǵa berý boiynsha qabyldanyp jatqan sharalar týraly aityp berdi, dep habarlaidy "Ult aqparat" primeminister.kz saityna silteme jasap.
Onyń aitýynsha, 2009 jyly jolaýshylar vagondarynyń tozýy – 90%, 2014 jyly – 60% qurady. Qazirgi sátte jolaýshylar vagondarynyń parki 2146 birlikti quraidy.
«Búginde parktiń tozýyn biz 65%-dan 42%-ǵa deiin tómendettik, 2025 jyldyń sońyna deiin 30%-ǵa jetkizýdi kózdep otyrmyz. Biyl 63 vagon satyp aldyq, jyl sońyna deiin taǵy 43 vagon alamyz. Árbir 5 jyl saiyn 100 vagonnan satyp alamyz. Biz “Transmashholding” AQ-men aýqymdy kelisimshart jasasqanbyz, vagondardyń Qazaqstanda jergiliktendirilýin qalaimyz», — dedi B. Kamaliev.
Sonymen qatar, vitse-ministr áleýmettik mańyzy bar baǵyttardy sýbsidiialaý isi jalǵasatynyn aitty.
«Bizde sýbsidiia bólinetin áleýmettik baǵyttar bar. Biz qazir temir jol kóligi týraly zań ázirlep jatyrmyz, onda birinshi másele jolaýshylar tasymalyn sýbsidiialaý bolady. QTJ-da jolaýshylar lokomotivteriniń jańa qurylymy qurylady», — dedi vitse-ministr.
«Nurly jol» baǵdarlamasynyń ekinshi kezeńi aiasynda 600 jolaýshylar vagony men 144-ke jýyq otandyq lokomotiv satyp alýǵa 657 mlrd teńgege jýyq qarajat bólý josparlanǵan. Bul shara jolaýshylar parkiniń tozý deńgeiin birshama tómendetýge – 40%-ǵa deiin (2020 j. deńgeige -5%), tartqysh jyljymaly quramnyń tozýyn 58%-ǵa deiin (2020 j. deńgeige -9%) jáne magistraldy temirjol jelisiniń tozýyn 49%-ǵa deiin (2020 j. deńgeige -5%) tómendetýge múmkindik beredi.
Óz kezeginde, QR Indýstriia jáne infraqurylymdyq damý ministrliginiń Kólik komiteti tóraǵasynyń orynbasary Qairiden Nurkenov jolaýshylar vagondary parkin jańartý jumystary júieli túrde júrgizilip jatqanyn aitty. Osy jyldyń ózinde 60-tan astam jolaýshylar vagony satyp alyndy, olar «Almaty – Mańǵystaý», «Nur-Sultan – Atyraý» jáne «Nur-Sultan – Saryaǵash» baǵyttarynda júredi.
Sonymen birge, Q. Nurkenov avtokólik quraldaryn damytý aiasynda Jolaýshylar avtobýstary parkin jańartýdyń keshendi jospary qabyldanǵanyn atap ótti.
«Nurly jol» baǵdarlamasyn iske asyrý jalpy tozýdy 65%-dan 42%-ǵa deiin tómendetýge múmkindik berdi. Búgingi tańda turaqty marshrýttarda 12 myńǵa jýyq avtobýs jumys isteidi jáne, sáikesinshe, avtobýstardyń jartysynan kóbi 7 jyldan astam ýaqyt jumys istep keledi. Bul baǵdarlama jańartýdy qarastyrady», — dedi Q. Nurkenov.
Onyń aitýynsha, 2 jyl ishinde turaqty jolaýshylar marshrýttarynda jumys isteitin shamamen 615 avtobýs satyp alyndy, onyń 45-i – 2018 jyly, biyl 570 satyp alyndy.
2022 jylǵa deiin el óńirleriniń avtobýs parkin jańartýdy qamtamasyz etý maqsatynda respýblikalyq biýdjetten 128,5 mlrd teńge kóleminde qarajat bólý josparlanǵan. Qarajattar tasymaldaýshylarǵa «Qazaqstannyń Damý Banki (QDB) lizing» AQ arqyly jeńildetilgen nesie baǵdarlamasy aiasynda: 15% bastapqy jarnamen, 7% paiyzdyq mólsherlememen 7 jylǵa beriledi.
Atalǵan shara 2025 jylǵa deiin qalalyq avtobýs parkin 5000 birlikke jańartýǵa, tozý deńgeiin 44%-ten 28%-ǵa deiin tómendetýge, sondai-aq, otandyq shyǵarýshy zaýyttardyń óndiristik áleýetin barynsha kóbirek paidalanýǵa jol ashady.
