© Sputnik / Stringer
Búgin Qaraǵandy qalasynda bolǵan jol apaty kezinde jolaýshylardy tasityn avtobýs aýrýhananyń tosqaýylyn buzyp, ótip bara jatqan áieldi basyp kete jazdady, dep habarlaidy Sputnik Qazaqstan agenttigi eKaraganda.kz portalyna silteme jasap.
Áleýmettik jelide jol apatynyń videosy tarady. Jeńil kólik jańbyrdan keiingi jolda taiyp, birneshe ret ainalǵan. Sosyn joldyń qarsy betine shyǵyp ketti. Sol kezde oǵan 45 baǵdardaǵy avtobýs soǵylǵan.
Sosyn inertsiiamen balalar aýrýhanasynyń tosqaýylyn buzyp, aýlasyna kirip toqtady. Týra bir-eki sekýnd buryn avtobýs toqtaǵan jerden bir áiel ótken.
Politsiia departamenti usynǵan aqparatqa sáikes, jol apaty búgin tańerteń Prishahtinsk aýdanynda bolǵan. Jeńil kólikti 26 jastaǵy er adam basqardy. Salonda taǵy úsh jolaýshy boldy. Bireýi qoldan jaraqat aldy. Oǵan meditsinalyq kómek kórsetildi.
Qazirgi kezde oqiǵanyń mán-jaiyn anyqtalyp jatyr. Saraptamalar taǵaiyndaldy. Sonyń nátijesinde protsessýaldyq sheshim qabyldanady.
