Avtobandardy paidalanǵany úshin aqy tóleýden jaltarý maqsatynda kólik nómirlerin aýystyratyn júrgizýshiler anyqtaldy. Bul týraly «QazAvtoJol» UK» AQ-dan málim etti, dep habarlaidy "Ult aqparat".
«Jol politsiia qyzmetkerlerimen birge «Nur-Sultan-Shýchinsk», «Nur-Sultan-Temirtaý», «Almaty-Qapshaǵai», «Almaty-Qorǵas» aqyly ýchaskelerinde kólikterdiń memlekettik nómirleri kúndelikti tekseriledi. Aqyly joldar úshin tólem kóliktiń nómirine tirkeletindikten, júrgizýshiler jalǵan nómirlerdi paidalanady. Sondai-aq júrgizýshiler nómirlerdi qaǵazben, shúberekpen jáne taǵy basqasymen jaýyp qoiady. 2019 jyldan bastap ákimshilik quqyq buzýshylyq týraly 309 hattama toltyryldy. 11 avtokólik aiyp turaǵyna jetkizilip, júrgizýsheler 1 jyl merzimine kólik júrgizý quqyǵynan aiyryldy», - dedi «QazAvtoJol»-dan
Málim bolǵandai, jasyryn jáne jalǵan nómirlerdi anyqtaýǵa ótkizý pýnktteri men baqylaý arkalarynda ornatylǵan beinekameralar kómektesedi.
«Kameralar arqyly kóliktiń memlekettik nómirleri QR Ishki ister ministrliginiń derekqorymen tekseriledi. Jalǵan nómirlermen júrý jol erejesin buzýdyń eń aýyr túriniń biri bolyp tabylady jáne zań júzinde qatań jazalanady», - dedi kompaniiadan.
Aita keteiik, júrgizýshiler aqyly joldar boiynsha jeke málimetterdi kaztoll.kz saitynan nemese bailanys ortalyǵyna qońyraý shalý (1403 (qalalyq telefondar úshin), +7 (7172) 64-87-92, +7 (7172) 64-87-85) arqyly teksere alady.
