Avstriialyq qutqarýshylar bes saǵat boiy qalyń qar astynda jatqan 26 jastaǵy shańǵyshyny aman-esen shyǵaryp aldy, dep habarlaidy BBC.
Shańǵymen syrǵanaýǵa ketken 26 jastaǵy er adamnyń qaita oralmaǵandyǵy jaiynda politsiiaǵa onyń joldasy aitqan.
Ol shańǵyshynyń uialy telefonyna qońyraý shalǵan, biraq jelide tek shýyldaǵan dybys ǵana estilgen.
Qutqarýshylar onyń Pleshnitstsinke taýy bókteriniń qai jerinde jatqanyn elektrondy transiverdiń kómegimen eki saǵattan soń tapqan.
Grobmingtiń birneshe qutqarýshylary men jergilikti politsiia úsh saǵat boiy qardy arshyp, er adamdy shyǵaryp aldy. Salqyn tigen shańǵyshy shuǵyl aýrýhanaǵa jetkizildi.
Qutqarýshylardyń biri Shtefan Shrioktiń aitýynsha, qardyń astynda bes saǵat boiy jatý óte sirek kezdesetin oqiǵa. Mundai jaǵdai Avstriiada jiyrma jyldyń ishinde bir ret qana bolýy múmkin. Óitkeni qalyń qar astynda otteginiń jetispeýinen 15 minýttan keiin tiri qalý múmkin emes.
«Onyń joly boldy. Óitkeni qar astynda edáýir úlken «aýa qaltasy» paida bolǵan», -deidi qutqarýshy Ferdinand Prenner.
