Eýropa elderi infektsiianyń órshýimen kúresýde. BUU barlyq úkimetti oqýshylardy mektepke qaitarýdy, oqýlaryn jalǵastyrýǵa shaqyrdy.
Avstraliia karantindi buzǵandarǵa 3,5 myń AQSh dollary kóleminde aiyppul engizdi. Úndistanda pandemiia bastalǵaly indet juqtyrýdyń eń joǵary kórsetkishi tirkeldi, dep habarlaidy BBC agenttigi.
BUU Bas hatshysy Antoniý Gýterrish seisenbi kúni bilim berýdegi koronavirýstyń saldarynan týyndaǵan «úzilis» planetanyń bútindei bir býyny úshin úlken qaýip bolǵaly otyrǵandyǵyn aitty. Oqýshylardyń mektepke oralýy jáne osy rettegi qaýipsizdik basty qazirgi tańda basty másele bolýy kerek, dep atap ótti ol BUU saitynda jariialanǵan óziniń beinehabarlamasynda.
Shilde aiynyń ortasyndaǵy jaǵdai boiynsha 160 eldiń shamamen 1 milliard oqýshysy úshin mektepter jabyq, al 40 millionǵa jýyq bala mektepke deiingi bilim berý mekemelerine bara almai qaldy, dep atap ótti Gýterrish. Sonymen qatar, indet taraǵanǵa deiin 250 million bala bilim ala almaǵan bolatyn, al damýshy elderdiń orta mektep oqýshylarynyń tórtten úsh bóligi mektepterden tipti bazalyq bilim almai jatyp ketýge májbúr bolǵan.
Sońǵy táýlikte Úndistanda ózge eldermen salystyrǵanda, koronavirýs juqtyrýdyń jańa jaǵdailary kóbirek tirkeldi. Dúisenbi kúni Úndistannyń 50 myńnan astam turǵynynan aýrý anyqtalsa, koronavirýs diagnozy rastalǵan 800-den astam adam kóz jumǵan.
Aýstraliianyń Viktoriia shtaty koronavirýsqa bailanysty oqshaýlaý rejimin buzǵandarǵa jańa jaza taǵaiyndalǵany týraly jariialady. Ustalǵan zań buzýshylarǵa sol jerde 5 myń Avstraliia dollary (shamamen 3,5 myń AQSh dollary) kóleminde aiyppul salynýy múmkin. Osy maqsatta shtat kóshelerine 500 áskeri qyzmetshi jiberiledi.
Frantsiia úkimeti janyndaǵy Ǵylymi keńes kúzde nemese qysta elde koronavirýstyń ekinshi tolqynynyń paida bolý qaýpi óte joǵary ekenin eskertti. Sońǵy aptada elde jańa jaǵdailardyń sany kóbeie bastady. Sońǵy úsh kúnde 3,4 myńǵa jýyq jaǵdai tirkeldi, reanimatsiia bólimshelerindegi patsientter sany da ósti.
Sońǵy aptada aýrýǵa shaldyǵýdyń jańa jaǵdailarynyń ósýi Eýropanyń basqa elderinde de, onyń ishinde Belgiia, Liýksembýrg jáne Ispaniiada anyqtaldy. Seisenbide Polshada koronavirýs juqtyrýdyń tórtinshi rekordtyq kórsetkishi tirkeldi. Bir kúnde 680 jańa jaǵdaiy anyqtalyp, alty adam qaitys boldy.
Seisenbiden bastap ondaǵan million filippin azamaty qaitadan karantinge alyndy. Úilerinen ketpeý týraly buiryq el astanasy Manila men onyń ainalasyna taratyldy. Jeksenbide eldiń dárigerleri prezident Rodrigo Dýtertti Densaýlyq saqtaý júiesiniń quldyraýyna jol bermeýge shaqyrdy.
