Foto: © zhaikpress.kz
Qylmystyq quqyq buzýshylyq jasady dep aiyptalǵan Batys Qazaqstan oblysy memlekettik sáýlet-qurylys baqylaýynyń basshysy Mádi Otarbaev Qazaqstan shekarasynan ótýge tyrysty. Bul týraly sot materialdarynda aitylǵan, - dep habarlaidy Tengrinews.kz saity "inbusiness.kz-ke" silteme jasap.
Otarbaevqa QR Qylmystyq kodekstiń 361-baby 4-bóliginiń 3-tarmaǵy ("aýyr zardapqa ákep soqqan laýazymdyq ókilettikterdi teris paidalaný") boiynsha aiyp taǵyldy. Biyl mamyrdan bastap sheneýnikke qatysty qylmystyq qýdalaý organy elden ketpeý týraly jazylymdy sailady.
3 tamyzda tún ortasynda bolǵan oqiǵadan keiin sot oǵan bultartpaý sharasyn qamaýda ustaýǵa ózgertti.
"M.J. Otarbaev ózine qatysty sailanǵan bultartpaý sharasyn buzyp, sottan jasyrynýǵa tyrysty (sotqa 03.08.2023 jylǵy ShQO boiynsha "Qordai" shekara beketi arqyly Qyrǵyz Respýblikasyna shekarany kesip ótý áreketiniń jolyn kesý týraly M.J. Otarbaevtyń baianaty 03.08.2023 jylǵy saǵat 00:57-de berildi). Ol 7 jylǵa deiin bas bostandyǵynan aiyrý kózdelgen aýyr qylmystar sanatyna jatatyn qylmys jasady dep aiyptaldy. Sot prokýrordyń sottalýshy M.J. Otarbaev sotta isti qaraýǵa ne kedergi bolatynyn jasyrýy múmkin, osyǵan bailanysty oǵan qatysty sailanǵan bultartpaý sharasy neǵurlym qatańdyqqa ózgertýge jatady degen pikirimen kelisedi", - delingen sot qaýlysynda.
Madi Otarbaevtyń ózi jáne onyń advokaty bultartpaý sharasyn burynǵy kúiinde qaldyrýdy surady. Sottalýshy otbasylyq jáne densaýlyq jaǵdaiy boiynsha Bishkekte tekserýden ótkisi kelgenin, basqa nieti bolmaǵanyn aityp sendirdi.
BQO ákimdigi saitynyń málimetinshe, 55 jastaǵy Madi Otarbaev BQO MTK basshysy laýazymynda.
Otarbaev memlekettik sáýlet-qurylys baqylaý salasynda 2004 jyldan beri jumys isteidi. Almaty memlekettik qurylys departamentiniń biýdjettik qurylys obektilerin litsenziialaý, sáýlet-qurylys baqylaý bólimderiniń bastyǵy boldy. 2013 jyldan 2015 jylǵa deiin Shyǵys Qazaqstan oblysynyń GASK jáne litsenziialaý departamentin basqardy. Talǵar aýdanynyń qurylys bóliminiń basshysy bolyp jumys istedi.
2016 jyly sheneýnikke baǵynyshtylaryn "qoishyǵa muqtaj qoshqarlar" dep ataǵany úshin qatań sógis jariialandy. Qurylys, sáýlet jáne qala qurylysy basqarmasynyń qorlanǵan qyzmetkerleri onyń jaǵymsyz sózderin diktofonǵa jazyp, memlekettik qyzmet isteri departamentine shaǵymdandy.
