Qazaqstandyq Egor Sherer aýyr atletikadan jasóspirimder men jastar arasyndaǵy Aziia chempionatynda qola medal aldy, dep habarlaidy QazAqparat.
Sherer Ózbekstan astanasy Tashkent qalasynda ótip jatqan qurlyqtyq dodada 20 jasqa deiingi jastar arasynda 81 keli salmaqta synǵa tústi. Qossaiystyń qorytyndysymen 325 (150+175) kelini baǵyndyrǵan aýyr atlet úzdik úshtikti túiindedi.
Aita ketsek, budan buryn el quramasynan Edige Emberdi (73 keli), Álisher Baibýrov (67 keli), Denis Polýboiarinov (81 keli) altyn medal aldy.
Sondai-aq Nadejda Li (64 keli), Arýjan Dáýletova (71 keli), Aleksei Chýrkin (73 keli) kúmis medalǵa qol jetkizdi.
Al Erasyl Omarov (55 keli) pen Azamat Tólegen (61 keli) qola júldeger atandy.
Qurlyqtyq dodaǵa uldardan 13, qyzdardan 9 aýyr atlet bardy. Aziia chempionaty 25 shildede máresine jetedi.
