Qazaqstandyq Denis Polýboiarinov 17 jasqa deiingi jasóspirimder arasynda Aziia chempiony atandy, dep habarlaidy QazAqparat.
Qurlyqtyq dodada ol 81 kelide synǵa tústi. Nátijesinde qossaiystyń qorytyndysymen 313 keli (140+173) salmaqty baǵyndyrdy.
Derekkózdiń málimetinshe, endi ol 22 shildede 20 jasqa deiingi jastar arasyndaǵy Aziia chempionatynda baq synaidy.
Eske salsaq, budan buryn el quramasynan Edige Emberdi (73 keli) pen Álisher Baibýrov (67 keli) altyn aldy.
Sondai-aq Arýjan Dáýletova (71 keli) kúmis medalǵa qol jetkizdi.
Al Erasyl Omarov (55 keli) pen Azamat Tólgen (61 keli) qola júldeger atandy.
Aita ketsek, qurlyqtyq doda Ózbekstan astanasy Tashkent qalasynda ótip jatyr. Onda 13-17, 15-20 jas aralyǵynda júldeler sarapqa salynady. Sondyqtan keibir sportshylar ekeýinde de synǵa túsedi.
Qurlyqtyq dodaǵa uldardan 13, qyzdardan 9 aýyr atlet bardy. Aziia chempionaty 25 shildede máresine jetedi.
