Qazaqstandyq aýyr atlet Aizada Mýptilda Túrkiianyń Konia qalasynda ótip jatqan Islam yntymaqtastyǵy oiyndarynyń chempiony atandy, dep habarlaidy QazAqparat.
Ol +87 keli salmaqta serpe kóterýden 116 kg, julqa kóterýden 150 keli kórsetkishpen Islam oiyndarynyń rekordyn ornatty. Qossaiys qorytyndysy boiynsha 266 kelini baǵyndyrǵan Aizada aldyna jan salmai, chempiondyq tuǵyrǵa kóterildi.
Taǵy bir qazaqstandyq Liýbov Kovalchýk dál osy salmaqta serpe kóterýden 114 kg, julqa kóterýden 147 kg, jalpy esepte 261 kelimen kúmis júldege ie boldy.
Osylaisha, Mýptilda úsh altyn, Kovalchýk úsh kúmis medaldi enshiledi.
«Sportty damytý direktsiiasy» RMQK-nyń málimetine sáikes, aýyr atletter Qazaqstan quramasy qorjynyna 8 altyn, 15 kúmis, 3 qola júlde saldy.
