Qazaqstannyń bir turǵyny aiyna 15 keliden astam azyq-túlik tutynady. Bul týraly Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
2020 jyly onyń aldyńǵy jylmen salystyrǵanda Qazaqstanda kókónisterden (kartopty qospaǵanda) basqa azyq-túlik ónimderiniń negizgi toptary boiynsha tutyný artqan. Atap aitqanda, et jáne et ónimderi siiaqty mańyzy bar azyq-túlik ónimderi - 6%, nan jáne jarma ónimderi - 3%, sút jáne sút ónimderi 2,3% kóp tutynylǵan.
2020 jyly elimizdiń 1 turǵyny aiyna paidalanǵan azyq-túliktiń ortasha kólemi: kartop – 4,2 kg, birinshi sortty bidai unynan pisirilgen nan – 2,9 kg, siyr eti – 1,9 kg, shiki sút - 1,4 l, airan - 1,3 l, jumyrtqa – 16,6 dana, alma - 1,6 kg, qumsheker - 1,5 kg, kúrish - 1,3 kg, makaron - 1 kg, jańa aýlanǵan nemese salqyndatylǵan balyq - 0,7 kg, qara shai - 0,1 kg qurady.
Qala jáne aýyl halqyn salystyrǵanda azyq-túlikti tutynýda aiyrmashylyq bar. Atap aitqanda, qala turǵyndary jumyrtqany, jemisterdi, sút jáne sút ónimderin, et jáne et ónimderin, kartop jáne kókónisterdi kóp paidalanady. Al aýyl azamattary nan jáne nan ónimderin, qant, bal, shokolad, konditerlik ónimderdi tutyný boiynsha alda tur.
Sondai-aq Ulttyq statistika biýrosy qai óńir qandai azyq-túlikti kóp jáne az paidalanatynyn anyqtaǵan:
Budan bólek, halyqtyń eń az qamtamasyz etilgen 10% bóligi halyqtyń eń kóp qamtamasyz etilgen 10% bóligimen salystyrǵanda: balyq jáne teńiz ónimderin 4,5 esege, et jáne et ónimderin, jemisterdi 3,4 esege, sút jáne sút ónimderin – 3,1 esege, jumyrtqany – 3 esege az tutynatyny belgili boldy.
