Aýyldyq kolledjder úshin jan basyna shaqqandaǵy qarjylandyrý normativi qaita qaralady. Bul týraly búgin Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Qazirgi ýaqytta 169 aýyldyq jerlerde ornalasqan kolledj jumys isteidi. Aýyldaǵy kolledjderdi damytý úshin 40 kolledjge 10 mlrd teńge bólinip, qajetti zerthanalar satyp alynýda», - dedi ministr.
Onyń atap ótýinshe, dýaldi oqytý, bilim berý baǵdarlamalaryn jańartý boiynsha jumys uiymdastyryldy.
«Endigi kezekte aýyldyq kolledjder úshin jan basyna shaqqandaǵy qarjylandyrý normativin qaita qarap, barlyq túlekti tehnikalyq bilimmen qamtý úshin qosymsha bilim berý granttary bólinetin bolady. Ministrlik Memleket basshysynyń bergen tapsyrmalarynyń aiasynda aýyldaǵy bilim berý uiymdaryn damytý, bilim berý sapasyn arttyrý úshin keshendi ári júieli jumystardy atqaratyn bolady», - dedi Ashat Aimaǵambetov.
