Foto: ashyq derekkóz
QR Densaýlyq saqtaý ministrligi shalǵai aimaqtardaǵy halyqtyń sapaly meditsinalyq qyzmetke teń qoljetimdiligin qamtamasyz etý maqsatynda «Onlain meditsina» pilottyq jobasyn iske qosty, dep habarlaidy Ult.kz.
Joba aiasynda telemeditsinalyq tehnologiialar engizilip, úzdik mamandardyń qatysýymen diagnozdar naqtylanyp, ýaqtyly em taǵaiyndalady.
Pilottyq joba Aqmola, Aqtóbe, Almaty, Atyraý, Jambyl, Batys Qazaqstan, Qaraǵandy oblystarynda jáne Astana qalasynda júzege asyrylady. Oǵan ártúrli deńgeidegi 100 meditsinalyq uiym qatysyp otyr. Úilestirýshi – Salidat Qaiyrbekova atyndaǵy ulttyq ǵylymi densaýlyq saqtaýdy damytý ortalyǵy.
Kútiletin nátijeler:
-
aýyldyq óńirlerde meditsinalyq kómektiń sapasy men qoljetimdiligin arttyrý;
-
konsýltatsiialar men emdeýdi kútý ýaqytyn qysqartý;
-
halyqtyń densaýlyq kórsetkishterin jaqsartý;
-
turǵylyqty jerine qaramastan meditsinalyq qyzmetke teń qoljetimdilikti qamtamasyz etý.
«Onlain meditsina» jobasy densaýlyq saqtaý júiesin tsifrlyq transformatsiialaýdyń mańyzdy kezeńine ainalmaq. Bul aýyl turǵyndaryna óz aýdanynan shyqpai-aq dárigerlerdiń keńesterin alýǵa jáne tekserýlerden ótýge múmkindik beredi.
