5 tamyz kúni Qyrǵyzstannyń Naryn oblysynda qytailyq Zhong Ji Mining kompaniiasynyń jumysshylary men jergilikti birneshe aýyldyń turǵyndary arasynda týyndaǵan qaqtyǵysty kúsh qurylymdary tolyǵymen baqylaýǵa aldy.
Oqiǵa ornynda qazir ishki ister ministri Qashqar Júnisáliev pen onyń orynbasarlarynyń biri júr, dep habarlady Sputnik Qyrǵyzstan.
"Turaqtylyq pen qoǵamdyq qaýipsizdikti qamtamasyz etý úshin sharalar qabyldanýda", - delingen respýblika IIM habarlamasynda.
Oqiǵaǵa qatysty qylmystyq is qozǵaldy. Quqyq qorǵaý organdary jergilikti turǵyndar men qytai kompaniiasynyń qyzmetkerleri arasynda mundai qaqtyǵystardy boldyrmaý maqsatynda halyqpen túsindirý jumystaryn júrgizip jatyr.
Qytai kompaniiasy ǵimaratynyń janyndaǵy tóbeles
5 tamyzda bir top aýyl turǵyny qytailyq Zhong Ji Mining kompaniiasynyń ǵimaratyna bet aldy. Eki jaqtyń arasyndaǵy janjal saldarynan tóbeles bastalyp, bir-birine tas laqtyrǵan.
Qaqtyǵysqa jergilikti turǵyndardyń kompaniia júrgizip jatqan jarylys jumystaryn toqtatýdy talap etýi sebep boldy, aýyl turǵyndarynyń sózine qaraǵanda, jarylystan taýda jaiylyp júrgen mal qyrylyp qalǵan.
Militsiiadaǵy derekkóz Sputnik Qyrǵyzstanǵa habarlaǵanyndai, qaqtyǵys saldarynan shamamen 10 adam jaraqat alǵan. Olardyń barlyǵy meditsinalyq mekemelerge jetkizildi.
Keiinirek jergilikti bilik pen Zhong Ji Mining kompaniiasynyń basshylyǵy kelissóz júrgizdi. Kásiporyn maldyń qyrylýyna kompaniia qyzmetkerleri kináli ekeni dáleldense, aýyl turǵyndaryna keltirilgen shyǵyndy óteýge daiyn ekenin málimdedi.
Jarylys jumystaryn júrgizý kezinde shynymen de zań buzýshylyqtarǵa jol berilgeni belgili bolǵannan keiin, ónerkásip, energetika jáne jer qoinaýyn paidalaný memlekettik komitetiniń basshysy Emil Osmonbetov Zhong Ji Mining kompaniiasynyń basshylyǵymen qaita sóilesti. Ol jergilikti turǵyndarǵa qyrylǵan mal úshin ótemaqy tóleý máselesin sheshýdi talap etti.
Kompaniia basshylyǵy bul talappen kelisip otyrǵany belgili boldy.
