Úkimettiń jer komissiiasynyń otyrysynda komissiia tóraǵasy, vitse-premer- aýylsharýashylyq ministri Asqar Myrzahmetov aýylsharýashylyq jerlerin ielenip otyrǵandar týraly aqparatty jariialai almaitynyn, jariialaýǵa QR «Derbes derekter jáne olardy qorǵaý týraly» zańynyń talaptary jol bermeitinin alǵa tartty.
Alaida, atalǵan zań boiynsha jeke nemese zańdy tulǵalardyń ieligindegi nemese jalǵa alǵan jyljymaityn múlki, atap aitqanda jer ýchaskeleri týraly aqparat onyń derbes derekteri retinde kórsetilmegen.
Demek, qazaqstandyq nemese sheteldik zańdy nemese jeke tulǵanyń aýylsharýashylyq jerlerin jalǵa alýy nemese satyp alǵany týraly aqparat, onyń kólemi, ornalasqan jeri, paidalaný maqsaty týraly aqparatty jinaý nemese taratý QR «Derbes derekter jáne olardy qorǵaý týraly» zańymen rettelmeidi.
Kerisinshe, QR «Aqparatqa qol jetkizý týraly» zańynyń 6-babyna sáikes qol jetkizýge shekteý qoiylmaityn aqparat qataryna aýyl sharýashylyǵynyń jai-kúii naqty kórsetilgen. Aýyl sharýashylyq jerleri týraly aqparat tikelei aýyl sharýashylyǵynyń jai-kúiine jatatynyn eskersek, aýyl sharýashylyq jerleri týraly aqparat barlyq adamdarǵa qoljetimdi bolýy tiis.
Sondyqtan, QR Aýyl sharýashylyq ministrligi qazaqstandyq nemese sheteldik jeke nemese zańdy tulǵalardyń aýyl sharýashylyq jerlerin satyp alýy nemese jalǵa alǵany týraly aqparatty ashyq jariialaýǵa mindetti.
Kez-kelgen azamat aýyl sharýashylyq jerlerin paidalaný, jalǵa alý nemese satyp alý týraly aqparatty jinaýǵa jáne taratýǵa tolyq quqyǵy bar.
QR «Aqparatqa qol jetkizý týraly» zańynyń 10-baby boiynsha aqparatqa qol jetkizý mynadai tásildermen qamtamasyz etiledi:aqparatty buqaralyq aqparat quraldarynda ornalastyrý; aqparatty aqparat ielenýshiniń internet-resýrsynda ornalastyrý.
Osyǵan orai barlyq azamattardan ár oblys, aýdan, aýyldardaǵy aýyl sharýashylyq jerlerin paidalanýshy jeke jáne zańdy tulǵalar týraly aqparat jinaýdy jáne ony saittarda, áleýmettik jelilerde jariialaýdy nemese «Alash joly» qozǵalysynyń belsendilerine joldaýdy suraimyz.
Sonymen birge, QR Aýyl sharýashylyq ministrliginen barlyq oblystardaǵy aýyl sharýashylyq jerleriniń ieleri týraly aqparatty 10 kún ishinde jariialaýdy talap etemiz.
Eger aqparat jariialanbaǵan jaǵdaida ministrlik basshysynyń zań buzýshylyǵy týraly sotqa jáne prokýratýraǵa aryz jazatynymyzdy eskertemiz.
Maqsat Iliiasulynyń jazbasynan
