QR Parlamenti Senatynyń jalpy otyrysynda «Qazaqstan Respýblikasynyń keibir zańnamalyq aktilerine agroónerkásiptik keshendi retteý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy QazAqparat.
«Qarjylandyrýdyń qoljetimdigin arttyrý úshin zań jobasy aiasynda qoldanystaǵy qarjy tetikterin jetildirý jáne jańalaryn engizý kózdelgen. Qoldanystaǵy mindetti saqtandyrý júiesi 15 jyl buryn arnaiy zańmen engizilgen, sondai-aq ósimdik sharýashylyǵyndaǵy saqtandyrýdy nasihattaýǵa septigin tigizýi tiis bolatyn. Alaida bul mindet oryndalmady, saqtandyrylǵan egister úlesi jyl saiyn tómendeýde. Saqtandyrý formalary formaldy túrde qalyp otyr. Sharýalardyń alatyn saqtandyrý tólemderi eń az óndiristik shyǵyndy da jappaidy. Osyǵan bailanysty zań jobasy aiasynda aýyl sharýashylyǵyndaǵy saqtandyrý júieleriniń tásilderi ózgerdi», - dedi Aýyl sharýashylyǵy ministri Saparhan Omarov.
Bul rette mindetti saqtandyrýdan erikti saqtandyrýǵa, saqtandyrý tólemderin sýbsidiialaýdan saqtandyrý syiaqylaryn sýbsidiialaýǵa kóshý júzege asyrylady.
«Saqtandyrý tólemderin sýbsidiialaýdan saqtandyrý syiaqylaryn sýbsidiialaýǵa kóshý - agroónerkásiptik keshen sýbektileri úshin saqtandyrýǵa qoljetimdilikti arttyrady. Óitkeni saqtandyrý polisi ekinshi deigeidegi bankterden qaryz alýǵanda qosymsha kepildik bola alady», - dedi ministr.
Budan bólek S. Omarov nesielik seriktestikterdiń qyzmetin jaqsartý maqsatynda nesielik seriktestik quramyna kirý jáne shyǵý tártibi jeńildetiletinin atap ótti. Eger buryn bul úshin nesielik seriktestik qatysýshylarynyń jalpy jinalysynyń sheshimi talap etilse, al qazir seriktestikke qatysýshylardy qabyldaý men shyǵarý, sondai-aq onyń jarǵysyn ózgertý jónindegi quzyret seriktestik basqarmasyna berildi.
Onyń atap ótýinshe, veterinariia qyzmetiniń jumys isteý tiimdiligin arttyrý úshin zań jobasynda tiisti qadamdar kózdelgen.
Birinshiden, jergilikti atqarýshy organdardan jáne keden organdarynan (avtokólikte baqylaý) baqylaý-qadaǵalaý fýnktsiiasyn veterinariia salasyndaǵy ýákiletti organ vedomstvosyna qaitarý jolymen barlyq baqylaý-qadaǵalaý fýnktsiiasyn bir organǵa shoǵyrlandyrý eskerilgen.
Ekinshiden, jergilikti atqarýshy organdardyń veterinariialyq qyzmetiniń vertikaldy baǵynystylyǵyn qurý jolymen olardyń qurylymyn ózgertý, iaǵni veterinariialyq bólimshelerdi aýdandar, oblystyq mańyzy bar qalalar deńgeiinde ókilderi bolý múmkindigimen oblys deńgeiinde shoǵyrlandyrý, sondai-aq memlekettik veterinarlyq uiymdardy oblystyq deńgeige baǵynysty etý qarastyrylǵan.
«Jergilikti atqarýshy organdarda veterinariia salasyndaǵy iske asyrý fýnktsiiasy qalady, ýákiletti organ vedomstvosyna barlyq kezeńdegi baqylaý-qadaǵalaý fýnktsiiasy beriledi», - dedi Saparhan Omarov.
