قر پارلامەنتٸ سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە اگروٶنەركەسٸپتٸك كەشەندٸ رەتتەۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات.
«قارجىلاندىرۋدىڭ قولجەتٸمدٸگٸن ارتتىرۋ ٷشٸن زاڭ جوباسى اياسىندا قولدانىستاعى قارجى تەتٸكتەرٸن جەتٸلدٸرۋ جەنە جاڭالارىن ەنگٸزۋ كٶزدەلگەن. قولدانىستاعى مٸندەتتٸ ساقتاندىرۋ جٷيەسٸ 15 جىل بۇرىن ارنايى زاڭمەن ەنگٸزٸلگەن, سونداي-اق ٶسٸمدٸك شارۋاشىلىعىنداعى ساقتاندىرۋدى ناسيحاتتاۋعا سەپتٸگٸن تيگٸزۋٸ تيٸس بولاتىن. الايدا بۇل مٸندەت ورىندالمادى, ساقتاندىرىلعان ەگٸستەر ٷلەسٸ جىل سايىن تٶمەندەۋدە. ساقتاندىرۋ فورمالارى فورمالدى تٷردە قالىپ وتىر. شارۋالاردىڭ الاتىن ساقتاندىرۋ تٶلەمدەرٸ ەڭ از ٶندٸرٸستٸك شىعىندى دا جاپپايدى. وسىعان بايلانىستى زاڭ جوباسى اياسىندا اۋىل شارۋاشىلىعىنداعى ساقتاندىرۋ جٷيەلەرٸنٸڭ تەسٸلدەرٸ ٶزگەردٸ», - دەدٸ اۋىل شارۋاشىلىعى مينيسترٸ ساپارحان وماروۆ.
بۇل رەتتە مٸندەتتٸ ساقتاندىرۋدان ەرٸكتٸ ساقتاندىرۋعا, ساقتاندىرۋ تٶلەمدەرٸن سۋبسيدييالاۋدان ساقتاندىرۋ سىياقىلارىن سۋبسيدييالاۋعا كٶشۋ جٷزەگە اسىرىلادى.
«ساقتاندىرۋ تٶلەمدەرٸن سۋبسيدييالاۋدان ساقتاندىرۋ سىياقىلارىن سۋبسيدييالاۋعا كٶشۋ - اگروٶنەركەسٸپتٸك كەشەن سۋبەكتٸلەرٸ ٷشٸن ساقتاندىرۋعا قولجەتٸمدٸلٸكتٸ ارتتىرادى. ٶيتكەنٸ ساقتاندىرۋ پوليسٸ ەكٸنشٸ دەيگەيدەگٸ بانكتەردەن قارىز الۋعاندا قوسىمشا كەپٸلدٸك بولا الادى», - دەدٸ مينيستر.
بۇدان بٶلەك س. وماروۆ نەسيەلٸك سەرٸكتەستٸكتەردٸڭ قىزمەتٸن جاقسارتۋ ماقساتىندا نەسيەلٸك سەرٸكتەستٸك قۇرامىنا كٸرۋ جەنە شىعۋ تەرتٸبٸ جەڭٸلدەتٸلەتٸنٸن اتاپ ٶتتٸ. ەگەر بۇرىن بۇل ٷشٸن نەسيەلٸك سەرٸكتەستٸك قاتىسۋشىلارىنىڭ جالپى جينالىسىنىڭ شەشٸمٸ تالاپ ەتٸلسە, ال قازٸر سەرٸكتەستٸككە قاتىسۋشىلاردى قابىلداۋ مەن شىعارۋ, سونداي-اق ونىڭ جارعىسىن ٶزگەرتۋ جٶنٸندەگٸ قۇزىرەت سەرٸكتەستٸك باسقارماسىنا بەرٸلدٸ.
ونىڭ اتاپ ٶتۋٸنشە, ۆەتەرينارييا قىزمەتٸنٸڭ جۇمىس ٸستەۋ تيٸمدٸلٸگٸن ارتتىرۋ ٷشٸن زاڭ جوباسىندا تيٸستٸ قادامدار كٶزدەلگەن.
بٸرٸنشٸدەن, جەرگٸلٸكتٸ اتقارۋشى ورگانداردان جەنە كەدەن ورگاندارىنان (اۆتوكٶلٸكتە باقىلاۋ) باقىلاۋ-قاداعالاۋ فۋنكتسيياسىن ۆەتەرينارييا سالاسىنداعى ۋەكٸلەتتٸ ورگان ۆەدومستۆوسىنا قايتارۋ جولىمەن بارلىق باقىلاۋ-قاداعالاۋ فۋنكتسيياسىن بٸر ورگانعا شوعىرلاندىرۋ ەسكەرٸلگەن.
ەكٸنشٸدەن, جەرگٸلٸكتٸ اتقارۋشى ورگانداردىڭ ۆەتەرينارييالىق قىزمەتٸنٸڭ ۆەرتيكالدى باعىنىستىلىعىن قۇرۋ جولىمەن ولاردىڭ قۇرىلىمىن ٶزگەرتۋ, ياعني ۆەتەرينارييالىق بٶلٸمشەلەردٸ اۋداندار, وبلىستىق ماڭىزى بار قالالار دەڭگەيٸندە ٶكٸلدەرٸ بولۋ مٷمكٸندٸگٸمەن وبلىس دەڭگەيٸندە شوعىرلاندىرۋ, سونداي-اق مەملەكەتتٸك ۆەتەرينارلىق ۇيىمداردى وبلىستىق دەڭگەيگە باعىنىستى ەتۋ قاراستىرىلعان.
«جەرگٸلٸكتٸ اتقارۋشى ورگانداردا ۆەتەرينارييا سالاسىنداعى ٸسكە اسىرۋ فۋنكتسيياسى قالادى, ۋەكٸلەتتٸ ورگان ۆەدومستۆوسىنا بارلىق كەزەڭدەگٸ باقىلاۋ-قاداعالاۋ فۋنكتسيياسى بەرٸلەدٸ», - دەدٸ ساپارحان وماروۆ.
