2022 jyldan Agroónerkásiptik keshendegi ahýaldyq taldaý ortalyǵy óz jumysyn bastaidy. Bul týraly Senattaǵy parlamenttik tyńdaýda Aýyl sharýashylyǵy ministri Erbol Qarashókeev málim etti, dep habarlaidy QazAqparat.
«Agrarlyq ǵylym júiesinde ǵylymi ázirlemelerdi óndiriske engizý jáne olardy kommertsiialandyrý, damyǵan elderdiń tájiribesi boiynsha bilim taratýdyń zamanaýi ulttyq júiesin qurý problemalaryn sheshý jumystary júrgizile bastady. Sondai-aq, bilim berý baǵdarlamalaryn jańartý, oqytýdyń praktikalyq baǵytyn kúsheitý esebinen kadrlar daiarlaý sapasyn arttyrýǵa basa nazar aýdarylýda. Biyl agrarlyq ǵylymdy 2021-2023 jyldarǵa baǵdarlamalyq-nysanaly qarjylandyrý jyl saiyn 8,5 mlrd teńgege deiin jetkizildi (salystyrý úshin 2015-2017 jyldary jyl saiyn 4,5 mlrd. teńgeden bólindi)», - dedi E. Qarashókeev «Aýyl sharýashylyǵyn damytýdyń ózekti máseleleri men perspektivalary» taqyrybyna arnalǵan parlamenttik tyńdaýda.
Onyń aitýynsha, kelesi jyldyń basynan bastap ministrliktiń taldaý jumysyn kúsheitý maqsatynda Agroónerkásiptik keshendegi ahýaldyq taldaý ortalyǵy óz jumysyn bastaidy.
«Sonymen qatar, jas ǵalymdarǵa salalyq granttyq qarjylandyrý engiziledi», - dedi ministr.
