QR Premer-Ministri Asqar Mamin «Báiterek» ulttyq basqarýshy holdingi» AQ Direktorlar keńesiniń otyrysyn ótkizdi, dep habarlaidy primeminister.kz.
Memleket basshysy Qasym-Jomart Toqaevtyń Holdingtiń enshiles kompaniialarynyń sanyn qysqartý jónindegi tapsyrmasyn oryndaý maqsatynda «Aýyl sharýashylyǵyn qarjylai qoldaý qory» AQ-nyń (AShQQQ) «Agrarlyq nesie korporatsiiasy» AQ-ǵa (ANK) qosylýy týraly sheshim qabyldandy.
ANK-ǵa AShQQQ-nyń mikrobiznesti kreditteý, ósimdik sharýashylyǵyndaǵy saqtandyrý fýnktsiialary jáne «Diplommen aýylǵa» jobasy aiasynda «Aýyldyq ipoteka» boiynsha agent fýnktsiialary, «Damý» qoryna – kreditterdi kepildendirý boiynsha AShQQQ fýnktsiialary beriletin boldy.
Qaita uiymdastyrý aýyl sharýashylyǵy taýaryn óndirýshilerge ANK keń filialdyq jelisi bazasynda «bir tereze» qaǵidaty boiynsha kreditter alýǵa múmkindik beredi.
Bul rette AÓK sýbektilerin qarjylandyrýdyń qoldanystaǵy sharttary saqtalady. Otyrysqa qatysýshylar biylǵy jyldyń II toqsanyndaǵy táýekelder jónindegi esepti, sondai-aq Holdingtiń basqarmasy, Direktorlar keńesi, Korporativtik hatshysy jáne Korporativtik hatshynyń qyzmeti týraly erejelerge ózgerister men tolyqtyrýlardy bekitti.
