Aýyl sharýashylyǵyn damytpai, básekege qabiletti ekonomika qurý múmkin emes. Memleket basshysy Qasym-Jomart Toqaevtyń «Jańa jaǵdaidaǵy Qazaqstan: is-qimyl kezeńi» atty Qazaqstan halqyna arnaǵan Joldaýyn júzege asyrý máselelerine arnalǵan oblys aktivi jiynynda óńir basshysy Ǵali Esqaliev osylai aitty, dep habarlaidy "Ult aqparat".
Oblys ákimi Prezident Joldaýynda áleýmettik-ekonomikalyq turaqtylyqty, jumys oryndary men halyqtyń tabysyn saqtaý siiaqty basty mindetter aiqyndalǵanyn atap ótti.
Pandemiia kezinde Úkimet tarapynan ýaqytsha tabyssyz qalǵan 77 myńnan astam batysqazaqstandyq azamat 42 500 teńge áleýmettik kómek aldy.
«Biz indettiń qiyn kezeńinen ótkenimen, aldymyzda onyń saldaryn joiý jumystary tur. Osy rette Prezident Joldaýy elimizdiń ekonomikalyq damýynyń innovatsiialyq ózegine ainalyp, básekege qabiletin arttyryp, el damýyna tyń serpin, jańa baǵdar beretini sózsiz», dedi ákim.
Memleket basshysynyń tapsyrmasyna sáikes elimizdiń jańa ekonomikalyq baǵdary basty jeti qaǵidatqa negizdelip, ónerkásiptik áleýetti tolyq paidalaný maqsatynda mańyzdy strategiialyó basymdyqtar aiqyndalyp, kásipkerlerdi jan-jaqty qoldaý jalǵasatyn bolady.
Aitalyq, Joldaýǵa sáikes shaǵyn jáne orta biznes ókilderine qyzmetterin odan ári qarai damytý úshin barlyq nesielerdiń paiyzdyq mólsherlemesin 6 paiyzǵa deiin tómendetiledi. Bul, árine, biznes ókilderine úlken septigin tigizeri sózsiz.
Ár sala aldynda turǵan maqsat-mindetterge toqtalǵan Ǵ.Esqaliev kelesi jyly aýyl sharýashylyǵy maqsatyndaǵy jerlerdi paidalaný máselesi boiynsha Jer kodeksiniń keibir normalaryna qatysty engizilgen moratorii kúshin joiatynyn jetkizdi.
Táýelsizdik jyldaryna deiin óńirde 2 millionǵa jýyq gektar egistik jerler bolǵan bolsa, búginde onyń sany 542 myń gektardy quraidy. Al jaiylym 10 mln 540 myń gektar bolsa, qazirgi tańda jaiylym jerler 5 mln 527 gektardy qurap otyr. Iaǵni Batys Qazaqstanda jaiylym jáne egistik jerlerin arttyrýǵa mol múmkindik bar.
Atalǵan baǵytta aýyl sharýashylyǵy jerlerin tiimdi paidalaný boiynsha jumystar júrgizilip jatyr. Ótken jyldan beri memleket menshigine kólemi 108 myń ga jerler qaitarylyp, 33 myń ga qaita aýyl sharýashylyǵy ainalymyna engizildi, 442 myń ga jer telimderin qaita igerý bastaldy.
Osy jumystardy ári qarai jalǵastyrý jáne jedeldetý maqsatynda óńir jerlerin tsifrly formatta kórýge múmkindik beretin geoaqparattyq portal aiaqtalýda.
Joldaýda aýyl eńbekkerleriniń aýyr jumysy tym arzan baǵalanatyny jáne tabystyń basym bóligine alypsatarlar kenelip jatatyny atap ótildi.
Prezidentimiz aýyl sharýashylyǵyn damytý maqsatynda agrarlyq sektorǵa investitsiia tartý qajettigin baiandai kele, jerimizdiń sheteldikterge satylmaitynyn qadap aitty.
«Memleket basshysy atap ótkendei, memlekettik qyzmetkerler men qoǵam belsendileri jumys tiimdiligin arttyrsa, úlken nátijelerge qol jetkizý qiyn emes.
Árqaisymyz azamattardyń ómir súrý sapasyn arttyrý týraly Elbasy strategiiasynyń júzege asyrylýyna jaýaptymyz», dep túiindedi oiyn Ǵali Esqaliev.
Memleket basshysynyń Joldaýynda kórsetilgen mindetterdi júzege asyrý maqsatynda oblys ákiminiń orynbasarlaryna, ákim apparatyna, basqarma basshylary, Oral qalasy men aýdandar ákimderine eki apta merzim ishinde arnaiy is-sharalar josparyn daiyndaý tapsyryldy.
