اۋىل شارۋاشىلىعىن دامىتپاي, بەسەكەگە قابٸلەتتٸ ەكونوميكا قۇرۋ مٷمكٸن ەمەس. مەملەكەت باسشىسى قاسىم-جومارت توقاەۆتىڭ «جاڭا جاعدايداعى قازاقستان: ٸس-قيمىل كەزەڭٸ» اتتى قازاقستان حالقىنا ارناعان جولداۋىن جٷزەگە اسىرۋ مەسەلەلەرٸنە ارنالعان وبلىس اكتيۆٸ جيىنىندا ٶڭٸر باسشىسى عالي ەسقاليەۆ وسىلاي ايتتى, دەپ حابارلايدى "ۇلت اقپارات".
وبلىس ەكٸمٸ پرەزيدەنت جولداۋىندا ەلەۋمەتتٸك-ەكونوميكالىق تۇراقتىلىقتى, جۇمىس ورىندارى مەن حالىقتىڭ تابىسىن ساقتاۋ سيياقتى باستى مٸندەتتەر ايقىندالعانىن اتاپ ٶتتٸ.
پاندەمييا كەزٸندە ٷكٸمەت تاراپىنان ۋاقىتشا تابىسسىز قالعان 77 مىڭنان استام باتىسقازاقستاندىق ازامات 42 500 تەڭگە ەلەۋمەتتٸك كٶمەك الدى.
«بٸز ٸندەتتٸڭ قيىن كەزەڭٸنەن ٶتكەنٸمەن, الدىمىزدا ونىڭ سالدارىن جويۋ جۇمىستارى تۇر. وسى رەتتە پرەزيدەنت جولداۋى ەلٸمٸزدٸڭ ەكونوميكالىق دامۋىنىڭ يننوۆاتسييالىق ٶزەگٸنە اينالىپ, بەسەكەگە قابٸلەتٸن ارتتىرىپ, ەل دامۋىنا تىڭ سەرپٸن, جاڭا باعدار بەرەتٸنٸ سٶزسٸز», دەدٸ ەكٸم.
مەملەكەت باسشىسىنىڭ تاپسىرماسىنا سەيكەس ەلٸمٸزدٸڭ جاڭا ەكونوميكالىق باعدارى باستى جەتٸ قاعيداتقا نەگٸزدەلٸپ, ٶنەركەسٸپتٸك ەلەۋەتتٸ تولىق پايدالانۋ ماقساتىندا ماڭىزدى ستراتەگييالىٶ باسىمدىقتار ايقىندالىپ, كەسٸپكەرلەردٸ جان-جاقتى قولداۋ جالعاساتىن بولادى.
ايتالىق, جولداۋعا سەيكەس شاعىن جەنە ورتا بيزنەس ٶكٸلدەرٸنە قىزمەتتەرٸن ودان ەرٸ قاراي دامىتۋ ٷشٸن بارلىق نەسيەلەردٸڭ پايىزدىق مٶلشەرلەمەسٸن 6 پايىزعا دەيٸن تٶمەندەتٸلەدٸ. بۇل, ەرينە, بيزنەس ٶكٸلدەرٸنە ٷلكەن سەپتٸگٸن تيگٸزەرٸ سٶزسٸز.
ەر سالا الدىندا تۇرعان ماقسات-مٸندەتتەرگە توقتالعان ع.ەسقاليەۆ كەلەسٸ جىلى اۋىل شارۋاشىلىعى ماقساتىنداعى جەرلەردٸ پايدالانۋ مەسەلەسٸ بويىنشا جەر كودەكسٸنٸڭ كەيبٸر نورمالارىنا قاتىستى ەنگٸزٸلگەن موراتوريي كٷشٸن جوياتىنىن جەتكٸزدٸ.
تەۋەلسٸزدٸك جىلدارىنا دەيٸن ٶڭٸردە 2 ميلليونعا جۋىق گەكتار ەگٸستٸك جەرلەر بولعان بولسا, بٷگٸندە ونىڭ سانى 542 مىڭ گەكتاردى قۇرايدى. ال جايىلىم 10 ملن 540 مىڭ گەكتار بولسا, قازٸرگٸ تاڭدا جايىلىم جەرلەر 5 ملن 527 گەكتاردى قۇراپ وتىر. ياعني باتىس قازاقستاندا جايىلىم جەنە ەگٸستٸك جەرلەرٸن ارتتىرۋعا مول مٷمكٸندٸك بار.
اتالعان باعىتتا اۋىل شارۋاشىلىعى جەرلەرٸن تيٸمدٸ پايدالانۋ بويىنشا جۇمىستار جٷرگٸزٸلٸپ جاتىر. ٶتكەن جىلدان بەرٸ مەملەكەت مەنشٸگٸنە كٶلەمٸ 108 مىڭ گا جەرلەر قايتارىلىپ, 33 مىڭ گا قايتا اۋىل شارۋاشىلىعى اينالىمىنا ەنگٸزٸلدٸ, 442 مىڭ گا جەر تەلٸمدەرٸن قايتا يگەرۋ باستالدى.
وسى جۇمىستاردى ەرٸ قاراي جالعاستىرۋ جەنە جەدەلدەتۋ ماقساتىندا ٶڭٸر جەرلەرٸن تسيفرلى فورماتتا كٶرۋگە مٷمكٸندٸك بەرەتٸن گەواقپاراتتىق پورتال اياقتالۋدا.
جولداۋدا اۋىل ەڭبەككەرلەرٸنٸڭ اۋىر جۇمىسى تىم ارزان باعالاناتىنى جەنە تابىستىڭ باسىم بٶلٸگٸنە الىپساتارلار كەنەلٸپ جاتاتىنى اتاپ ٶتٸلدٸ.
پرەزيدەنتٸمٸز اۋىل شارۋاشىلىعىن دامىتۋ ماقساتىندا اگرارلىق سەكتورعا ينۆەستيتسييا تارتۋ قاجەتتٸگٸن بايانداي كەلە, جەرٸمٸزدٸڭ شەتەلدٸكتەرگە ساتىلمايتىنىن قاداپ ايتتى.
«مەملەكەت باسشىسى اتاپ ٶتكەندەي, مەملەكەتتٸك قىزمەتكەرلەر مەن قوعام بەلسەندٸلەرٸ جۇمىس تيٸمدٸلٸگٸن ارتتىرسا, ٷلكەن نەتيجەلەرگە قول جەتكٸزۋ قيىن ەمەس.
ەرقايسىمىز ازاماتتاردىڭ ٶمٸر سٷرۋ ساپاسىن ارتتىرۋ تۋرالى ەلباسى ستراتەگيياسىنىڭ جٷزەگە اسىرىلۋىنا جاۋاپتىمىز», دەپ تٷيٸندەدٸ ويىن عالي ەسقاليەۆ.
مەملەكەت باسشىسىنىڭ جولداۋىندا كٶرسەتٸلگەن مٸندەتتەردٸ جٷزەگە اسىرۋ ماقساتىندا وبلىس ەكٸمٸنٸڭ ورىنباسارلارىنا, ەكٸم اپپاراتىنا, باسقارما باسشىلارى, ورال قالاسى مەن اۋداندار ەكٸمدەرٸنە ەكٸ اپتا مەرزٸم ٸشٸندە ارنايى ٸس-شارالار جوسپارىن دايىنداۋ تاپسىرىلدى.
