Aýyl sharýashylyǵy salasynda 2,4% ósim baiqalyp otyr. Bul týraly Úkimet otyrysynda biylǵy jeti aidaǵy áleýmettik-ekonomikalyq damýdy talqylaý kezinde Ulttyq ekonomika ministri Áset Erǵaliev málim etti, dep habarlaidy QazAqparat.
«Aýyl sharýashylyǵynda 2,4% ósim baiqalyp otyr. 13 óńirde oń dinamika tirkeldi. Eń joǵary ósimdi Aqmola, Jambyl jáne Pavlodar oblystary kórsetti», - dedi Á. Erǵaliev.
Budan bólek ol 7 ekonomikalyq kórsetkish boiynsha óńirler arasynda jalpy jaǵdaiǵa toqtaldy.
«Barlyq 7 kórsetkish boiynsha oń ósý 4 óńirde – Almaty, Jambyl jáne Mańǵystaý oblystarynda, sondai-aq Shymkent qalasynda baiqaldy. Al, 6 kórsetkish boiynsha 9 óńirde ósý baiqalady. Olar Aqmola, Aqtóbe, Qaraǵandy, Qostanai, Qyzylorda, Pavlodar, Soltústik Qazaqstan jáne Túrkistan oblystary, sondai-aq
Nur-Sultan qalasy. 3 óńirde 5 kórsetkish boiynsha ósý tirkeldi. Batys Qazaqstan oblysynda tek 3 kórsetkish boiynsha ósý baiqalyp otyr» - dedi ministr.
Onyń paiymynsha, jergilikti atqarýshy organdarǵa tiisti is-sharalarǵa nazar aýdarý usynylyp otyr. Atap aitqanda:
1. Belsendi túrde investitsiialar tartý, investorlarmen naqty jumys júrgizý, árbir investitsiialyq jobanyń ekonomikalyq turǵyda tiimdiligin arttyrý.
2. Shaǵyn jáne orta bizneske bailanysty memlekettik qoldaý quraldaryn tiimdi túrde iske asyrý jáne ASHYQ jobasyn keńeitý.
3. Ýaqytyly egin jinaýdy jáne qurylys jumystarynyń maýsymyn tiimdi júrgizýdi qamtamasyz etý.
4. «Eńbek» jáne «Jumyspen qamtý jol kartasy» baǵdarlamalary sheńberinde turaqty jáne ýaqytsha jumysqa ornalastyrýdy qamtamasyz etý.
5. Azyq-túlik taýarlaryna turaqty monitoring jáne baǵanyń shamadan tys ósýin tejeý boiynsha sharalar qabyldaý.
