Foto: primeminister.kz
Aýyl sharýashylyǵy ministri qyzmetine Aidarbek Saparov taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysynyń Jarlyǵymen Aidarbek Seipiluly Saparov Qazaqstan Respýblikasynyń Aýyl sharýashylyǵy ministri bolyp taǵaiyndaldy, ol burynǵy atqarǵan laýazymynan bosatyldy", - delingen habarlamada.
Bul rette Prezident Jarlyǵymen Erbol Shyraqpaiuly Qarashókeev Qazaqstan Respýblikasynyń Aýyl sharýashylyǵy ministri laýazymynan bosatyldy.
Aidarbek Seipiluly Saparov 1966 jyly 12 maýsymda Soltústik Qazaqstan oblysynda dúniege kelgen.
Omby aýylsharýashylyǵy institýtyn (1992), Manash Qozybaev atyndaǵy Soltústik Qazaqstan memlekettik ýniversitetin (2006) zooinjener mamandyǵy, sondai-aq memlekettik basqarý bakalavry boiynsha támamdaǵan.
Ártúrli jyldary "Azyq-túlik kelisimshart korporatsiiasy" AQ Soltústik Qazaqstan oblystyq filialy direktorynyń orynbasary, aýyl sharýashylyǵy ministrliginiń SQO basqarmasynyń basshysy, SQO oblystyq aýmaqtyq inspektsiiasynyń basshysy, SQO Shal aqyn aýdanynyń ákimi, Maǵjan Jumabaev aýdanynyń ákimi, SQO ákiminiń aýyl sharýashylyǵy jónindegi orynbasary, SQO ákiminiń birinshi orynbasary qyzmetterin atqardy.
2019 jyly aýyl sharýashylyǵy ministriniń birinshi orynbasary bolyp taǵaiyndaldy.
Al 2022 jylǵy 1 jeltoqsannan búgingi kúnge deiin Soltústik Qazaqstan oblysynyń ákimi boldy.
