Eske salaiyq, shildede Memleket basshysy aýyl sharýashylyǵy ministri Saparhan Omarovty qyzmetinen bosatty. Bul sheshimge Mańǵystaý jáne Qyzylorda oblystaryndaǵy qaýańshylyqqa bailanysty aýyl sharýashylyǵy ministrligi men ákimdikter tarapynan tiisti sharalar atqarmaǵany sebep boldy.
Jańa ministr týraly ne belgili?
Erbol Qarashókeev 1976 jyly Almaty oblysynda dúniege kelgen. Ál-Farabi atyndaǵy Qazaq memlekettik ulttyq ýniversitetin, Qazirgi zamanǵy gýmanitarlyq institýtty támamdaǵan.
Eńbek jolyn 1998 jyly statistika agenttigi taldaý jáne koniýnktýralyq zertteýler basqarmasynyń bas mamany bolyp bastaǵan.
QR Prezidenti Ákimshiliginiń áleýmettik-ekonomikalyq taldaý bóliminiń konsýltanty, "Eksporttyq kreditter men investitsiialardy saqtandyrý jónindegi memlekettik saqtandyrý korporatsiiasy" AQ qarjy departamentiniń direktorynyń mindetin atqarýshy, direktory – basqarma múshesi boldy.
2006-2007 jyldary qarjy ministrliginiń jiyntyq-taldaý departamentinde jumys istedi. "QazAgro" ulttyq basqarýshy holdingi" AQ basqarýshy direktory boldy. "Aýyl sharýashylyǵyn qarjylai qoldaý qory" AQ basqarma tóraǵasy, direktorlar keńesiniń múshesi qyzmetin atqarǵan.
2013-2016 jyldary – "Qazaqstannyń turǵyn úi qurylys jinaq banki" AQ basqarma tóraǵasynyń orynbasary.
2019 jyldyń sáýirinen 2021 jyldyń naýryzyna deiin "QazAgro" holdingi" AQ basqarma tóraǵasy.
2021 jyldyń sáýir-shilde aralyǵynda qarjy vitse-ministri boldy.
2021 jyldyń shildesinen bastap aýyl sharýashylyǵy vitse-ministri bolyp, keiin ministr mindetin atqardy.
