2019-2021 jyldary aýyl sharýashylyǵy baǵyttar boiynsha igerilmegen bilim berý granttarynyń sany 3 778 birlikti qurady. Bul jaiynda Senat depýtattarynyń saýalyna QR Premer-Ministri Asqar Maminniń jaýabynda aitylǵan, dep habarlaidy QazAqparat tilshisi.
«Aýyl sharýashylyǵy salasynda kadrlar daiarlaýdy respýblikanyń 25 joǵary oqý orny jáne aýyldyq jerlerde ornalasqan 169 tehnikalyq jáne kásiptik bilim berý uiymdary júzege asyrady. Aýyl sharýashylyǵy baǵytyndaǵy («Aýyl sharýashylyǵy», «Veterinariia») bilim berý baǵdarlamalary boiynsha JOO 8 myńnan astam stýdent oqidy, onyń ishinde 7 myńnan astam adam memlekettik bilim berý tapsyrysy (budan ári – memlekettik tapsyrys) negizinde, TjKB uiymdarynda 38 myń adam oqidy, onyń ishinde 35,9 myń adam, iaǵni 94%-y memlekettik tapsyrys boiynsha bilim alýda», - delingen Úkimet basshysynyń jaýabynda.
Onyń atap ótýinshe, aýyl sharýashylyǵy baǵytynda mamandardy daiarlaý úshin memlekettik tapsyrysy jyl saiyn bólinedi. 2021 jyly «Aýyl sharýashylyǵy jáne bioresýrstar», «Veterinariia» mamandyqtaryna 2920 grant (2020 jyly – 2720 grant, 2019 jyly – 2482 grant) bólindi.
«Bul rette, kórsetilgen mamandyqtar boiynsha granttar tolyq kólemde igerilmeidi. Atap aitqanda, 2019-2021 jyldary kórsetilgen baǵyttar boiynsha igerilmegen bilim berý granttarynyń sany 3778 birlikti qurady. «Máńgilik el jastary - Indýstriiaǵa!» («Serpin») jobasy (budan ári – «Serpin» jobasy) boiynsha 2021 jyly bólingen 5656 granttyń 2102-i (37%), 2020 jyly bólingen 5107 granttyń 979-y (19%) ǵana igerildi. Sonymen qatar, óńirler ákimdikteri, oqý oryndarynyń qabyldaý komissiialary azamattardy JOO men TjKB uiymdarynda oqýǵa tartý boiynsha úgit-nasihat jumystaryn júrgizedi. Onyń ústine, 2017 jyldan bastap zańnamalyq turǵyda jergilikti atqarýshy organdar granttar bólip keledi», - dedi Premer-Ministr.
Úkimet basshysy jaýabynda kóp balaly jáne az qamtylǵan otbasylardan shyqqan, onyń ishinde aýyldan shyqqan balalardy qoldaý maqsatynda jergilikti atqarýshy organdar 2017-2021 jyldar aralyǵynda 8 myńnan astam grant bólingenin aitady. Budan basqa, qoldanystaǵy zańnama aiasynda aýyl jastary arasynan shyqqan azamattaryna aýyldyń áleýmettik-ekonomikalyq damýyn aiqyndaityn mamandyqtarǵa JOO jáne TjKB uiymdarynda oqý úshin bekitilgen memlekettik tapsyrysynyń 30 paiyzy mólsherinde kvota kózdelgen atap ótedi.
«2021 jyly JOO-da oqý úshin aýyldyq kvota boiynsha (pedagogikalyq ǵylymdar, áleýmettik ǵylymdar, jýrnalistika, aqparattyqkommýnikatsiialyq tehnologiialar, meditsina, injenerlik ǵylymdar, aýyl sharýashylyǵy jáne bioresýrstar, biznes jáne basqarý, qyzmet kórsetý) 16 myńnan astam grant bólinip, igerildi. Sondai-aq, aýyl jastaryn qoldaýǵa baǵyttalǵan «Serpin» jobasy boiynsha memlekettik tapsyrystyń jalpy kóleminen 10 paiyz kvota qarastyrylǵan», - dedi ol.
