Energyprom.kz resýrsynyń habarlaýynsha, Qazaqstanda 3000-nan astam aýyl sharýashylyǵy kooperativi jumys isteidi, dep habarlaidy QazAqparat.
2021 jylǵy ekinshi toqsannyń qorytyndysy boiynsha, Qazaqstanda 3030 aýyl sharýashylyǵy kooperativi jumys isteidi. Iaǵni, bir jyldyń ishinde 124 kooperativ jańadan quryldy degen sóz. Atalǵan 3030 kooperativtiń tórtten biri (724) Túrkistan oblysynda qurylǵan. Odan keiin Jambyl (285) jáne Shyǵys Qazaqstan (281) oblystary tur.
«Aýyl sharýashylyǵy kooperativteriniń sany boiynsha Nur-Sultan (6) jáne Almaty (8) megapolisteri kósh sońynda. Qurǵaqshylyqtan zardap shegip jatqan Mańǵystaý oblysynda 21 kooperativ bar. Maýsym aiynyń sońyndaǵy málimet boiynsha, osy kooperativterde 7,9 myńnan astam adam jumys isteidi. Bir jylda 3% ósken. Onyń ishinde 7,8 myń adam kooperativtiń turaqty qyzmetkeri bolsa, 81 adam basqa uiymdardan qosymsha jumysqa tartylǵan. Jumysshylardyń 516-sy azamattyq-quqyqtyq sipattaǵy sharttar boiynsha jumys istep júr. Biraq olardyń sany ótken jylmen salystyrǵanda 3,4 ese azaidy», - dep jazady Energyprom.kz.
Saittyń málimetine súiensek, aýyl sharýashylyǵy kooperativteriniń quramynda 603 zańdy tulǵa bar: 498 sharýashylyq seriktestik, 1 aktsionerlik qoǵam, 104 basqa uiymdyq-quqyqtyq nysan.
«Budan basqa, aýyl sharýashylyǵy kooperativteriniń quramyna 22,8 myń jeke kásipker men sharýa qojalyq, 27,4 myń qosalqysharýashylyq kiredi», - delingen analitikalyq materialda.
