Búgin Túrkistan oblysy Qazyǵurt taýynyń etegindegi «Keme qalǵan» alańynda «Aýyl» halyqtyq-demokratiialyq patriottyq partiiasy Qazaqstan Respýblikasy Parlamenti Májilisi men máslihat depýtattaryn sailaý naýqanyn bastady, dep habarlaidy "Ult aqparat" atalmysh saiasi uiymnyń baspasóz qyzmetine silteme jasap.
Is-sharaǵa QR Parlamenti Májilisiniń depýtattyǵyna kandidattar: T.S.Rahimbekov, K. K. Aitýǵanov, B. Tólegen, Z. A. Álipbekov, D. Kápuly, K. A. Aralbekova, N. G. Arsiýtin, A. A. Satybaldin, D. K. Qýatov jáne B. D. Qystaýov qatysty.
«Aýyl» partiiasynyń tóraǵasy Áli Bektaev, QR Parlamenti Májilisiniń depýtattyǵyna kandidat Qarlyǵash Aralbekova, Parlament Májilisiniń depýtattyǵyna kandidat, aqyn jáne jazýshy Dáýletkerei Qapuly quttyqtaý sóz sóiledi.
Aqsaqaldardyń atynan memleket jáne qoǵam qairatkeri, «Aýyl» partiiasynyń Túrkistan oblysy boiynsha óńirlik filialynyń basshysy Ismat Tursynqululy tilek bildirdi.
Qazaqstandyq estrada ókilderi - Jubanysh Jeksenuly, Meiramkúl Tantabaeva, Bákir Bekturov, «Megapolis» triosy, Pavel Kim aýyl jaily, Otanǵa degen súiispenshilik týraly ánder shyrqady.
Is-shara sherýmen aiaqtaldy.
