Aýyl mektepteriniń oqýshylary úshin «tolyq kún» jumys isteitin formatqa kóshý josparlanǵan. Bul týral búgin Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Aýyl mektepteriniń kóbisi bir aýysymda oqityn bolǵannyń arqasynda, oqýshylary úshin «tolyq kún» jumys isteitin formatqa kóshý josparlandy. Aýyl balalarynyń damýyndaǵy erekshelikterin erte anyqtaýǵa jáne olardy ýaqytyly qoldaýǵa nazar aýdarylady», - dedi ol.
Ministrdiń dereginshe, búgingi tańda aýylda erekshe qajettilikteri bar 58 myń bala arnaiy kómekti qajet etedi.
«Ol úshin aýylda psihologiialyq-meditsinalyq-pedagogikalyq kabinetter men túzetý kabinetteriniń sany keńeitiledi, qosymsha ortalyqtardy ashamyz», - dedi Ashat Aimaǵambetov.
