QR Aýyl sharýashylyǵy ministrligi jer reformasy komissiiasynyń otyrysynda zańger Baqytjan Bazarbek birqatar usynys aitty, dep habarlaidy QazAqparat.
«Aýyl sharýashylyǵyndaǵy jaiylymdyq jerlerdińń arnaiy radiýsyn belgileý kerek. Ókinishke qarai, Jer kodeksinde de, zańǵa táýeldi aktilerde de radiýs týraly jazylmaǵan. Nátijesinde aýyldyń mańyndaǵy barlyq jer sharýa qojalyqtaryna berilip tastalǵan. Sondyqtan jer komissiiasynyń jumysy aiasynda Jer kodeksiniń 109, 110-babyna tiisti ózgerister engizip, naqty radiýsty belgileýimiz kerek. Sol radiýs aiasyndaǵy jerler qoǵamdyq jaiylym jerine ainalýy tiis», - deidi «Bazarbek&Partners» zań kompaniiasynyń bas direktory Bazarbek Jumabekuly.
Ol radiýs jergilikti atqarý organynyń tiisti mindetine ainalýy kerek
Onyń aitýynsha, atalǵan radiýstaǵy jaiylym jerlerin jergilikti atqarý organy óz baqylaýyna alýy tiis.
«Eger halyqqa tiisti jaiylym jeri jetpei tursa, 1-2 shaqyrym radiýs kólemindegi aýyl sharýashylyǵy jerlerin memleket óz qajettiligi úshin alyp, ony qoǵamdyq jaiylymǵa ainaldyrýy kerek», - deidi ol.
