قر اۋىل شارۋاشىلىعى مينيسترلٸگٸ جەر رەفورماسى كوميسسيياسىنىڭ وتىرىسىندا زاڭگەر باقىتجان بازاربەك بٸرقاتار ۇسىنىس ايتتى, دەپ حابارلايدى قازاقپارات.
«اۋىل شارۋاشىلىعىنداعى جايىلىمدىق جەرلەردٸڭڭ ارنايى راديۋسىن بەلگٸلەۋ كەرەك. ٶكٸنٸشكە قاراي, جەر كودەكسٸندە دە, زاڭعا تەۋەلدٸ اكتٸلەردە دە راديۋس تۋرالى جازىلماعان. نەتيجەسٸندە اۋىلدىڭ ماڭىنداعى بارلىق جەر شارۋا قوجالىقتارىنا بەرٸلٸپ تاستالعان. سوندىقتان جەر كوميسسيياسىنىڭ جۇمىسى اياسىندا جەر كودەكسٸنٸڭ 109, 110-بابىنا تيٸستٸ ٶزگەرٸستەر ەنگٸزٸپ, ناقتى راديۋستى بەلگٸلەۋٸمٸز كەرەك. سول راديۋس اياسىنداعى جەرلەر قوعامدىق جايىلىم جەرٸنە اينالۋى تيٸس», - دەيدٸ «Bazarbek&Partners» زاڭ كومپانيياسىنىڭ باس ديرەكتورى بازاربەك جۇمابەكۇلى.
ول راديۋس جەرگٸلٸكتٸ اتقارۋ ورگانىنىڭ تيٸستٸ مٸندەتٸنە اينالۋى كەرەك
ونىڭ ايتۋىنشا, اتالعان راديۋستاعى جايىلىم جەرلەرٸن جەرگٸلٸكتٸ اتقارۋ ورگانى ٶز باقىلاۋىنا الۋى تيٸس.
«ەگەر حالىققا تيٸستٸ جايىلىم جەرٸ جەتپەي تۇرسا, 1-2 شاقىرىم راديۋس كٶلەمٸندەگٸ اۋىل شارۋاشىلىعى جەرلەرٸن مەملەكەت ٶز قاجەتتٸلٸگٸ ٷشٸن الىپ, ونى قوعامدىق جايىلىمعا اينالدىرۋى كەرەك», - دەيدٸ ول.
