Qostanai oblysynda «Aýyl – el besigi» jobasy boiynsha 5 aýyl iriktelip alyndy. Bul aýyldardy damytý úshin qazynadan 2,2 mlrd teńge bólindi, dep habarlaidy "Ult aqparat".
Oblys ákiminiń baspasóz hatshysy Saiat Júsipovtiń sózinshe, «Aýyl – el besigi» jobasy sheńberinde Áýliekól, Borovskoe, Qarasý, Sarykól jáne Fedorov aýyldarynda 74 joba iske asyrylady. Atap aitqanda, álýmettik sala obektileri (mektepter, mektep janyndaǵy internattar, balabaqshalar, qosymsha bilim beretin uiymdar, mádeniet úileri, kitaphanalar, stadiondar, aýdandyq aýrýhanalar) kúrdeli jáne aǵymdaǵy jóndeýden ótip, aýylishilik joldar qalypqa keledi.
«Atalǵan eldi mekenderde «Aýyl – el besigi» qarajatynan basqa, ózge de memlekettik baǵdarlamalar esebinen 4 mlrd teńgege jýyq infraqurylymdyq jobalar iske asyrylýda. Negizinen erekshe baqylaýda turǵan turǵyn úi qurylysy, aýyldardy gazdandyrý jáne sapaly aýyzsýmen qamtamasyz etý basty nazarǵa alynady. Atalmysh 5 aýylǵa gaz tartý jumystary bastalyp ketti. Al ortalyqtandyrylǵan sýmen jabdyqtaý 59,5%-ke jetti», - deidi Saiat Júsipov.
Qostanai oblysynda «Óńirlerdi 2020 jylǵa deiingi damytýdyń» memlekettik baǵdarlamasy boiynsha biyl 24 aýylǵa sýmen jabdyqtaý obektileri júrgizildi. Jitiqara aýdanynyń Zabelevka aýyly, Sarykól aýdanynyń Zlatoýst aýyly, Beiimbet Mailin aýdanynyń Novoilinovka aýyly, Arqalyq qalasynyń Vostochnoe aýylynyń turǵyndary sapaly aýyz sý iship otyr.
