Aýyldyq jerlerde qolaily ómir súrý ortasyn qurýǵa "Aýyl – el besigi" baǵdarlamasy úlken múmkindikter beredi. Bul baǵdarlamany halyq óte jaqsy qabyldady. Ol - Almaty oblysy úshin asa mańyzdy, sebebi halyqtyń 80 paiyzy aýyldyq jerlerde turady. Búgin halyq aldyndaǵy esepti kezdesýinde Almaty oblysynyń ákimi Amandyq Batalov osylai dedi, dep habarlaidy "Ult aqparat".
Oblys ákiminiń aitýynsha, atalmysh baǵdarlama boiynsha byltyrǵy jyly jeti aýdan ortalyǵynda aýrýhanalardy, mektepterdi, turǵyn úi-kommýnaldyq sharýashylyq obektilerin jáne aýyl ishi joldaryn kúrdeli jóndeýge 6,1 mlrd.teńge somasyna 45 joba iske asyryldy. Qazirgi kezde Alakól, Balqash, Eskeldi, Kóksý jáne Uiǵyr aýdandarynda bes dene shynyqtyrý-saýyqtyrý keshenderiniń qurylysy júrgizilýde. Osy jyly jyly 21 aýylda jalpy quny 14,4 mlrd. teńgege 37 joba iske asyrylady.
Biylǵy jyly abattandyrý men kógaldandyrý jumystaryna 10,3 mlrd. teńge bólinip otyr. Oǵan Aqsý, Qarasai, Kerbulaq, Talǵar aýdandary men Taldyqorǵan qalasynda jeti saiabaqty kúrdeli jóndelip, 117 aýla men 27 sport alańy abattandyrylady, 20 aýylda kóshe jaryǵy júrgizilmek.
