sýret ashyq derekkózden alyndy
"Aýyl" fraktsiiasynyń múshesi Qaraqat Ábdendi mandatynan aiyrý týraly ótinishke qatysty pikir bildirdi, - dep habarlaidy Tengrinews.kz saity.
Májilis kýlýarynda jýrnalister "Aýyl" fraktsiiasynyń múshesinen quqyq qorǵaýshy Dina Tańsáriniń Qaraqat Ábdenge joldaǵan depýtat quqyǵynan aiyrý petitsiiasy týraly surady.
Aita keteiik, buǵan deiin Tańsári OSK tóraǵasy Nurlan Ábdirovten Májilis depýtaty Qaraqat Ábdenniń mandatyn qaitaryp alýdy talap etken.
Oǵan Ábdenniń Qazaqstanda sheteldiktermen nekege turýǵa salyq engizý týraly málimdemesi sebep boldy. Bul usynysty depýtat prezidenttikke kandidat bolyp júrgende teledebat kezinde aitqan edi.
"Dina Tańsári, árine, azamat retinde kez kelgen sheshim qabyldaýǵa quqyly. Biraq onyń naqty suraqtary bolsa, kelsin, kezdeseiik, nemese biz olmen kezdese alamyz. Onyń kez kelgen suraǵyna jaýap bere alamyz", - dedi "Aýyl" fraktsiiasynyń jetekshisi Ánas Baqqojaev jýrnalisterdiń suraqtaryna jaýap berip.
Sonymen qatar, Baqqojaev fraktsiia depýtattarǵa pikir bildirýge tyiym sala almaitynyn aitty.
"Tyiym salmaimyz. Ár depýtattyń óz oiy bar. Bul týraly Qaraqat Ábden prezidenttik sailaýǵa qatysyp júrgende aitqan. Fraktsiianyń ustanymy basqa, depýtattyń ustanymy basqa. Sondyqtan bul másele fraktsiiada qaralyp jatyr", - dep túiindedi ol.
Jýrnalister Baqqojaevtan "Aýyl" fraktsiiasy Májilistegi áriptesiniń usynysyn alǵa tarta ma dep surady.
"Joq, bul máselemen fraktsiia ainalyspaidy. Biz basqa bastamalardy usyndyq, solarmen ainalysamyz", - dedi Baqqojaev.
Eske salaiyq, byltyr 11 qarashada prezidenttikke kandidattardyń teledebattary kezinde Qaraqat Ábden sheteldikterge turmysqa shyqqan qazaq qyzdaryna iri kólemde salyq engizýdi usynǵan bolatyn.
Keiin Májiliste depýtat Ábden bul másele boiynsha taǵy da sóz sóilep, buryn qozǵaǵan elde sheteldiktermen nekege turýǵa salyq engizý máselesin qarastyrý týraly oidan bas tartpaǵanyn aitty.
