Elimizde aýyl, aýdan jáne qala mártebesin berý standarty ázirlenedi. Bul týraly QR Ulttyq ekonomika ministrligi Óńirlerdi taldaý jáne jergilikti ózin-ózi basqarýdy damytý departamenti direktorynyń orynbasary Mirjan Imanbaev málim etti, dep habarlaidy QazAqparat.
«Aýyl, aýdan jáne qala mártebesin berý talaptary qaita qaralady. Mysaly, qala mártebesi berý úshin onda turatyn halyqtyń sany 10 myńnan kem bolmaýy tiis, al bizde halyq sany 10 myńǵa jetpeitin qalalar bar. Nemese halqy 10 myńnan asady biraq aýyl mártebesi berilgen jait ta kezdesedi. Mine osy máselerdi sheshý úshin, talaptardy qaita qarap, jańa standart daiyndalady. Standartta halyqtyń sanynan bólek, aýylda nemese aýdanda qandai infraqurylym bolýy tiis, onyń damý kórsetkishi tolyq kórsetiledi. Qalalarda deńgeiine qarai 3-ke bólinedi, aýdandyq mańyzy bar qala, oblystyq jáne respýblikalyq mańyzy bar qala», - dedi M. Imanbaev.
Onyń aitýynsha, aýdandyq mańyzy bar qalada halyqtyń sany 10 myńnan kem bolmasa, oblystyq mańyzy bar qalada kemi 50 myń adam turýy tiis.
«Biýdjet berilgen mártebege sáikes belgilenedi. Árine aýylǵa qaraǵanda aýdan men qalanyń biýdjeti molyraq. Elimizde aýyl, aýdan jáne qala mártebesin berý talaptaryna taldaý jasaý kelesi jyly qolǵa alynady. Al standarttyń ózi 2023 jyly qabyldanady dep josparlanyp otyr», - deidi ol.
