Qazaqstanda aýyl ákimdigi apparatynyń qyzmetin uiymdastyrý qaita qaralmaq, dep habarlaidy QazAqparat.
«Qazirgi kúni aýyl ákimdiginde 3-5 qana qyzmetker jumys isteidi. Olar jurtshylyqqa barlyq sala boiynsha qyzmet kórsetip úlgermeidi. Ýaqyt jetpeidi nemese qyzmetkerdiń qosymsha júktemesi kóp. Osy oraida aýyl ákimdigi apparaty qyzmetin uiymdastyrý quqyǵyn qaita qarastyrmaqpyz. Onyń ishinde aýyl ákimdigine 3-5 qana emes, odan da kóp qyzmetker alý quqyǵy beriledi. Jáne qyzmetkerlerdiń jalaqysyn ósirý de nazardan tys qalmaidy. Bunyń barlyǵy aýyl ákimdigi janyndaǵy keńeste qaralyp, tiisti sheshim sol jerde qabyldanatyn bolady. Odan bólek, búgingi tańda aýyl ákimdigi ózderine tán emes quzyretti atqaryp jatqan jaittar da bar. Nemese kerisinshe aýyl ákimdiginiń keibir máseleler boiynsha quzyreti joq bolyp shyǵady. Osy oraida aýyl ákimdigi qyzmetin uiymdastyrýdy qaita qaraý mańyzdy, - dedi QR Ulttyq ekonomika ministrligi Óńirlerdi taldaý jáne jergilikti ózin-ózi basqarýdy damytý departamenti direktorynyń orynbasary Mirjan Imanbaev.
Onyń aitýynsha, búginde aýyl ákimdigi apparaty qyzmetine qatysty keń aýqymdy taldaý júrip jatyr.
