Aýstraliiada relsten shyǵyp ketken Sidne-Melbýrn baǵytyndaǵy jolaýshylar poiyzynyń apatynan eki adam qaza tapty, dep habarlaidy VVS.
Qutqarý qyzmeti ókilderiniń habarlaýynsha, taǵy birneshe adam jaraqat alǵan. Bir jolaýshy meditsinalyq aviatsiiamen Melbýrnge jetkizildi. Poiyz apatynyń neden bolǵany ázirge belgisiz.
«Poiyzda 160 adam bolǵan. Olardyń kóbi jeńil jaraqat alǵan. Aýrýhanaǵa tórt adam jetkizilgen. Bul poiyz Melbýrn men Sidnei arasynda qatynaityn negizgi qalalyq kólik», - dep jazady basylym.
Viktoriia shtatynyń órt basqarmasynyń habarlaýynsha, bes vagon relsten shyǵyp ketken. Tergeý aiaqtalǵansha Seimýr men Shepparton stansalaryn bailanystyratyn temirjol ýaqytsha jabyldy.
Eske sala ketsek, buǵan deiin Aýstraliianyń Viktoriia shtatynda jolaýshylar poiyzy relsten shyǵyp ketip, birneshe jolaýshy vagondardan shyǵa almai qalǵanyn habarlaǵan bolatynbyz.
