Aýstraliianyń qutqarý qyzmeti orman órtterin sóndirýmen ainalysatyn ushaq eldiń ońtústik shyǵysyndaǵy Jańa Ońtústik Ýels shtatynda apatqa ushyrap, úsh adamnyń qaza tapqanyn málim etti.
Bul týraly QazAqparat Sydney Morning Herald gazetine silteme jasap habarlaidy.
Beisenbi kúni jergilikti órt sóndirý qyzmeti Snoýi Monaro aýdanyna baǵyt alǵan iri áýe tankerimen bailanystyń joǵalǵanyn habarlady.
Basylymnyń málimetinshe, C-130 Hercules áskeri-kólik ushaǵynyń synyqtary shtattyń ońtústigindegi Kýma qalasyna jaqyn jerden tabyldy.
Jańa ońtústik Ýels shtatynyń aýyldyq órt sóndirý qyzmetiniń komissary Shein Fitssimmons oqiǵanyń sebep-saldary áli anyqtalmaǵanyn aitty.
2019 jyldyń qyrkúieginde bastalǵan tabiǵat órtterinen Aýstraliiada milliondaǵan gektar jer órtendi, jalyn 27 adamnyń ómirin qidy. 2 myńnan astam úi qiraǵan. Sidnei ýniversitetiniń baǵalaýy boiynsha 1 milliardtan astam janýar qyrylǵan.
