اۋسترالييانىڭ قۇتقارۋ قىزمەتٸ ورمان ٶرتتەرٸن سٶندٸرۋمەن اينالىساتىن ۇشاق ەلدٸڭ وڭتٷستٸك شىعىسىنداعى جاڭا وڭتٷستٸك ۋەلس شتاتىندا اپاتقا ۇشىراپ, ٷش ادامنىڭ قازا تاپقانىن مەلٸم ەتتٸ.
بۇل تۋرالى قازاقپارات Sydney Morning Herald گازەتٸنە سٸلتەمە جاساپ حابارلايدى.
بەيسەنبٸ كٷنٸ جەرگٸلٸكتٸ ٶرت سٶندٸرۋ قىزمەتٸ سنوۋي مونارو اۋدانىنا باعىت العان ٸرٸ ەۋە تانكەرٸمەن بايلانىستىڭ جوعالعانىن حابارلادى.
باسىلىمنىڭ مەلٸمەتٸنشە, C-130 Hercules ەسكەري-كٶلٸك ۇشاعىنىڭ سىنىقتارى شتاتتىڭ وڭتٷستٸگٸندەگٸ كۋما قالاسىنا جاقىن جەردەن تابىلدى.
جاڭا وڭتٷستٸك ۋەلس شتاتىنىڭ اۋىلدىق ٶرت سٶندٸرۋ قىزمەتٸنٸڭ كوميسسارى شەين فيتسسيممونس وقيعانىڭ سەبەپ-سالدارى ەلٸ انىقتالماعانىن ايتتى.
2019 جىلدىڭ قىركٷيەگٸندە باستالعان تابيعات ٶرتتەرٸنەن اۋسترالييادا ميلليونداعان گەكتار جەر ٶرتەندٸ, جالىن 27 ادامنىڭ ٶمٸرٸن قيدى. 2 مىڭنان استام ٷي قيراعان. سيدنەي ۋنيۆەرسيتەتٸنٸڭ باعالاۋى بويىنشا 1 ميللياردتان استام جانۋار قىرىلعان.
