Sarapshylardyń pikirinshe, Aýstraliiada orman órtiniń saldarynan 1 milliardtan astam janýar qyryldy, dep habarlaidy ABC News.
Sidnei Ýniversitetiniń deregine sáikes, osy janýarlardyń 800 milliony Jańa Ońtústik Ýels shtatyndaǵy orman órtinen qyrylǵan.
Aýtraliiada órt maýsymy ádette jeltoqsannan naýryzǵa deiin bolatyn, biraq biyl qyrkúiekte bastalyp, áli birneshe aiǵa jalǵasady.
Eldegi aýqymdy órttiń saldarynan Aýstarliia tiri tabiǵatyna aitarlyqtai ziian keldi.
Shtattyń memlekettik órt sóndirý qyzmetiniń málimetinshe, 2019 jyldyń qyrkúieginen bastap Jańa Ońtústik Ýels shtatynda órt saldarynan 1687 úi, 2020 jyldyń 1 qańtarynan – 771 úi qiraǵan.
Jergilikti órt sóndirýshilerdiń arqasynda shtattaǵy 21 000 úi aman qalǵany atalyp ótti.
Aýstraliia premer-ministri Skott Morrison dúisenbi kúni elde kem degende 25 adam qaza taýyp, 2 myń úi qiraǵanyn málim etti. Aýstraliiada órt maýsymynyń basynda 12 million akr jer órtke oranǵan.
