Qazaqstannyń birinshi, álemniń 21-raketkasy Elena Rybakina Aýstraliia ashyq chempionatynyń ekinshi ainalymyna shyqty, dep habarlaidy "Ult aqparat".
Elena Rybakina alǵashqy ainalymda álemdik reitingte ekinshi orynǵa deiin kóterilgen, qazir 145-satyda turǵan reseilik Vera Zvonarevamen sheberlik baiqasty.
Tájiribeli V.Zvonareva 36-da bolsa, E.Rybakina 21 jasta ǵana edi.
Birinshi setti V.Zvonareva óz paidasyna jazdy – 6:4.
Ekinshi partiiada E.Rybakina 3:0 esebimen alǵa ketti. Reseilik tennisshi qaiyra breik jasap, esepti qysqartty. Degenmen qazaqstandyq sportshy óz degenine jete aldy – 6:4.
Sheshýshi, úshinshi sette E.Rybakina taǵy da 3:1 esebimen alǵa shyqqanymen, sol qarqynyn jalǵastyra almady. Áitkenmen ol matchty jeńispen túiindedi – 6:4.
Tartysty match 2 saǵat 5 minýtqa sozyldy.
E.Rybakina ekinshi ainalymda álemniń 46-raketkasy, frantsiialyq Fiona Ferromen kezdesedi.
Elena ótken jyly Rolan Garros týrniriniń ekinshi ainalymynda dál osy tennisshige ese jibergen edi. Bul joly qarymta qaiyra ala ma, ony kort kórsetedi.
