Aýǵanstannyń burynǵy prezidenti Ashraf Ǵani bir jyl buryn "Taliban" qozǵalysyna (Qazaqstanda tyiym salynǵan uiym) el prezidentin qorlaýǵa jol bermeý úshin Aýǵanstannan qashyp ketkenin túsindirdi, - dep habarlaidy Tengrinews.kz tilshisi South China Morning Post basylymyna silteme jasap.
Ǵanidiń aitýynsha, bastapqyda onyń Aýǵanstannan ketý jospary bolmaǵan.
"Men tálipter men olardyń jaqtastaryna Aýǵanstan prezidentin qorlaý jáne ony úkimettiń zańdylyǵyna qol qoiýǵa májbúrleý raqatyn bergim kelmegendikten kettim", - dedi ol.
Sonymen qatar, Ǵani basqa sheneýniktermen birge tikushaqtarmen qashyp bara jatqanda ózimen ondaǵan million dollar qolma-qol aqsha alyp ketkeni týraly málimdemelerdi de joqqa shyǵardy. Kongrestiń baqylaýshy uiymy baiandamasynda Ǵani men onyń aǵa keńesshileri tikushaqpen osynsha aqshany tasymaldaýy ekitalai ekenin aitty.
"Olardyń ushýynyń asyǵys sipaty, júkke emes, jolaýshylarǵa basa nazar aýdarý, tikushaqtardyń júk kótergishtigi men paidalaný sipattamalary, sondai-aq jerdegi jáne aýadaǵy kýágerlerdiń egjei-tegjeili áńgimelerindegi dáiekti úilesimdilik - munyń bári tikushaqtardyń bortynda 500 000 dollardan aspaityn qolma-qol aqsha bolǵanyn kórsetedi", - dep jazady Aýǵanstandy qalpyna keltirý jónindegi arnaiy bas inspektor keńsesi.
Eske salaiyq, 2021 jyldyń 15 tamyzynda "Taliban" sodyrlary Kabýlǵa kirip, eldegi bilikti basyp alǵanyn jariialaǵan edi. Keiin Aýǵanstan prezidenti Ashraf Ǵani elden ketti.
