Tálipterdiń lideri Malavi Hibatýlla Ahýnzada Aýǵanstannyń bas kósemi bolyp jariialandy. Osylaisha tuiyq ári qatal molda eldegi jańa biliktiń eń joǵary laýazymyn atqarmaq, dep jazady Azattyq.
55 jastaǵy Malavi Hibatýlla Ahýnzada onsyz da "Talibannyń" (Joǵarǵy sot sheshimine sáikes, Qazaqstanda qozǵalysqa tyiym salynǵan) lideri bolǵan. Bul qyzmetke ol 2016 jyly mamyrda, qozǵalystyń sol kezdegi basshysy Ahtar Mohammad Mansurdyń qazasynan sanaýly kún ótkende taǵaiyndalǵan. Mansur Pákistannyń ońtústik-batysynda AQSh-tyń áýe shabýylynan opat bolǵan.
"[Ahýnzada] – dini kózqarasy úshin úlken qurmetke bólengen dini qairatker" deidi aýǵan jýrnalisi Sami Iýsýfzai. "Ol "Talibannyń" joǵary dárejeli sýdiasy jáne qozǵalystyń negizin qalaýshy molda Mohammad Omardyń senimdi ókili boldy".
Ahýnzadany sheih ál-islam dep te ataidy. Bul – joǵary mártebeli sýnnit titýly. Ony Muhammed paiǵambardyń ómiri men ilimi jóninde bilimi tereń adamǵa beredi.
"Ol – islam ǵalymy jáne [din jónindegi] birneshe kitaptyń avtory" deidi Iýsýfzai.
