Foto: gov.kz
UQK jedel jete tekserýi barysynda Aýǵanstannan Qazaqstan aýmaǵy arqyly Eýropa elderine geroin kontrabandasynyń qoldanystaǵy arnasy anyqtaldy, dep habarlaidy «Ult aqparat» UQK baspasóz qyzmetine silteme jasap.
Komitet sheteldik seriktestermen jáne Germaniianyń quzyretti organdarymen ózara is-qimyl jasai otyryp, halyqaralyq esirtki sindikattarynyń biriniń damyǵan jelisin anyqtady. Jete tekserýdiń sońǵy kezeńi Germaniiada 60 kg apiyn men 12 kg metamfetamindi tasymaldaý kezinde eki sheteldikti ustaý boldy.
Germaniianyń quqyq qorǵaý organdary sotqa deiingi tergeý júrgizýde.
Biyl aqpan aiynda basqa jete tekserý sheńberinde transulttyq esirtki qurylymyna qatysýshylardyń aýǵan esirtkileri kontrabandasynyń kezekti halyqaralyq arnasyn uiymdastyrý nietteri áshkerelendi.
Esirtki tizbeginiń barlyq býyndaryn joiý maqsatynda Qazaqstan Respýblikasy Bas prokýratýrasynyń úilestirýimen eýropalyq seriktestermen ózara is-qimyl uiymdastyryldy. Qabyldanǵan sharalardyń nátijesinde esirtki arnasynyń negizgi uiymdastyrýshysy – Ispaniia azamaty ustaldy, odan Qazaqstan arqyly Aýǵanstannan Eýropaǵa jetkizilgen 10 kg metamfetamin alyndy.
Eýropada alynǵan esirtkiniń naryqtyq quny 2.5 mln AQSh dollarynan artyqqa baǵalanyp otyr.
