Sýret: twitter.com/DrAhmadamarkhil
Aýǵanstanda bolǵan joiqyn jer silkinisinen qaza tapqandar sany 1000-ǵa jetip, jaralanǵandar sany 600-den asty, - dep habarlaidy Tengrinews.kz tilshisi REUTERS agenttigine silteme jasap.
Jergilikti bilik qaza tapqandar sany taǵy artýy múmkin ekenin málimdegen.
Jaralylardy evakýatsiialap, dári-dármek pen azyq-túlik jetkizý úshin tikushaqtar jumys istep jatyr.
El biligi shuǵyl kómek alý úshin halyqaralyq gýmanitarlyq uiymdarǵa júgindi.
Amerikalyq seismologtar jer silkinisi shamamen 51 shaqyrym tereńdikte bolǵan deidi. Onyń oshaǵy Aýǵanstannyń ońtústik-shyǵysyndaǵy Host qalasynan 44 shaqyrymdai jerde bolǵanyn naqtylady.
Qaitys bolǵandardyń kópshiligi eldiń shyǵysyndaǵy Paktika provintsiiasynda.
Eske salaiyq, Aýǵanstanda qatty jer silkinisi boldy. Jer asty dúmpýleri túnde, jergilikti ýaqyt boiynsha 01:30 shamasynda bastalǵan.
