Aýǵanstandaǵy jaǵdaidan keiin Qazaqstan áskeri qyraǵylyq kúsheitilgenin jariialady, - dep habarlaidy "Ult aqparat".
Vedomstvo máleminshe, Aýǵanstan Islam Respýblikasyndaǵy ahýaldyń shielenisýine bailanysty Qarýly Kúshterde qyraǵylyqty kúsheitý boiynsha sharalar qabyldanǵan. Eń aldymen, bul arnaiy operatsiialar, maidan jáne áskeri-kólik aviatsiiasyna, áýe shabýylyna qarsy qorǵanysqa qatysty.
Qorǵanys ministri óńirdegi jaǵdaidy qadaǵalaý jáne taldaý, kúshter men quraldardyń táýliktik kezekshiligin uiymdastyrý boiynsha mindetter qoidy. Joǵary qyraǵylyqty qamtamasyz etý maqsatynda áskeri qyzmetshilerdiń kezekshilik atqarýy boiynsha júktemeni birdei bólý qajet ekeni aityldy.
"Týyndaityn syn-qaterdi udaiy baǵalap, qazirgi ýaqytta biz úshin anaǵurlym mańyzdy jáne negizgi kúsh-jigerdi qaida baǵyttaý kerek ekenin aiqyndaý qajet", - dedi general-leitenant Nurlan Ermekbaev.
Aldaǵy aptada vzvodtardyń jaýyngerlik oq atýy, áskeri mindettilermen jiyndar, batalondarmen baqylaý sabaqtary josparlanyp otyrǵan áskerlerdegi jaýyngerlik oqý-jattyǵý barysy týraly baiandaldy.
Armiialyq halyqaralyq oiyndarǵa qatysýshylar konkýrstar ótetin oryndarǵa kelip, 22 tamyzdan bastap "ArHO - 2021" konkýrstaryna qatysa bastaidy.
Zapastaǵy, ásirese tapshy mamandyǵy bar ofitserlerdi áskeri qyzmetke shaqyrý máselesi kóterildi. Armiianyń epidemiiaǵa qarsy is-sharalarǵa qatysýy zapastaǵy ofitserler baǵdarlamasy boiynsha áskeri kafedralarda daiyndalatyn jáne ofitser ataǵyn alǵannan keiin armiiada qyzmet ótkergisi kelmeitin áskeri dárigerlerdiń qajet ekenin kórsetti.
Zańnamaǵa ofitser áskeri ataǵyn alǵan áskeri kafedrany bitirýshilerdi mindetti túrde áskeri qyzmet ótkerý úshin áskerge shaqyrý boiynsha túzetýler engizý tapsyryldy.
"Barlyq stýdent pen joǵary oqý oryndary basshylary áskeri kafedrada oqý - bul oiyn-saýyq jáne zapastaǵy ofitserdiń áskeri biletti alý tásili emes, eń aldymen - el múddesi úshin Qarýly Kúshterde qyzmet etýge daiyn ekenderin túsinýi tiis!" - dedi Qorǵanys ministri.
Kúzde áskerge shaqyrý kampaniiasyna daiyndalý sheńberinde áskeri bólimder kazarmalyq-turǵyn úi qorynyń jai-kúii qaraldy. Merdiger uiymdardyń jeke ǵimarattardy jóndeý qarqynynyń jetkiliksiz bolýy týraly baiandaldy. Olar belgilengen merzimde tapsyrylmaýy múmkin.
Bundai buzýshylyq birinshi ret bolyp otyrmaǵany atap ótildi, óitkeni keibir jaǵdaida qurylys boiynsha qyzmetterdi kórsetýge arnalǵan konkýrstardy áskeri obektilerde jumys isteý tájiribesi joq, tómen baǵa esebinen "kezdeisoq" uiymdar jeńip alady. Jalpy, qazirgi kezde Qarýly Kúshterdegi ǵimarattardy salý jáne kúrdeli jóndeý salasyndaǵy aýtsorsingtiń qoldanystaǵy júiesi merzimderge, jumys sapasyna jáne qorǵanys jaǵdaiyna teris áser etetin kóptegen kemshilikterdi anyqtaidy.
Aldaǵy ýaqytta osyndai jaǵdailarǵa jol bermeý boiynsha júieli usynystar engizýge, sondai-aq kazarmalyq-turǵyn úi qorynyń ýaqtyly berilýin qamtamasyz etýge nusqaýlar berildi.
"Obektilerdi ýaqtyly tapsyrmaýdyń sebebi josyqsyz merdigerler, sonymen qatar áskeri obektilerdi salýdy uiymdastyrý boiynsha júieli sharalar qabyldamaityn laýazymdy adamdar bolyp tabylady", - dedi qorǵanys vedomstvosynyń basshysy.
